नवी दिल्ली । PPBL म्हणजेच Paytm Payments Bank Ltd. या देशातील आघाडीच्या पेमेंट बँकांपैकी एक असलेल्या बँकेला मोठा झटका बसला आहे. वास्तविक, पेटीएम पेमेंट्स बँक सध्या आपल्या प्लॅटफॉर्मवर कोणतेही नवीन ग्राहक जोडू शकणार नाही. रिझर्व्ह बँक ऑफ इंडिया (RBI) ने शुक्रवारी PPBL ला नवीन ग्राहक जोडण्यास बंदी घातली आहे.
पेटीएम पेमेंट्स बँकेचे आयटी ऑडिट करण्याचे आदेश
यासह, RBI ने पेटीएम पेमेंट्स बँक लिमिटेडचे आयटी ऑडिट करण्याचे आदेश दिले आहेत. आयटी ऑडिटचा अर्थ असा की, कंपनीचे आयटी इन्फ्रास्ट्रक्चर म्हणजेच सॉफ्टवेअर अनेक ग्राहकांचा भार उचलण्यास सक्षम आहे, त्यात काय त्रुटी आहेत आणि त्या का येत आहेत, या सर्व बाबींची चौकशी केली जाईल.
23 मे 2017 रोजी सुरू झाला
पेटीएम पेमेंट्स बँकेने 23 मे 2017 रोजी काम सुरू केले. अलीकडेच मनीकंट्रोलने कळवले होते की, विजय शेखर शर्मा यांची कंपनी पेटीएम पेमेंट्स बँक स्मॉल फायनान्स बँकेच्या (SFB) लायसन्ससाठी RBI कडे अर्ज करणार आहे. सूत्रांनी सांगितले की, पेटीएम पेमेंट्स बँक या वर्षी जूनपर्यंत अर्ज सबमिट करू शकते.
RBI ने एक कोटी रुपयांचा दंड ठोठावला
गेल्या वर्षी, RBI ने नियमांचे उल्लंघन केल्याबद्दल पेटीएम पेमेंट्स बँकेला 1 कोटी रुपयांचा दंड ठोठावला होता. पेमेंट आणि सेटलमेंटच्या कलम 6(2) चे उल्लंघन केल्याबद्दल हा दंड ठोठावण्यात आला आहे. RBI ने एका निवेदनात म्हटले होते की, ऑथोरायझेशनचे फायनल सर्टिफिकेट जारी करण्यासाठी पेटीएम पेमेंट्स बँकेच्या अर्जाच्या तपासणीवर RBI ला असे आढळले की, पेटीएम पेमेंट्स बँकेने जी माहिती दिली आहे ती वस्तुस्थिती दर्शवत नाही.
RBI ने म्हटले होते, “हे पेमेंट आणि सेटलमेंट सिस्टीम कायद्याच्या कलम 26(2) चे उल्लंघन करत असल्याने, पेटीएम पेमेंट्स बँकेला नोटीस बजावण्यात आली होती.”