नवी दिल्ली । लॉकडाऊनमध्ये विविध ठिकाणी अडकलेल्या मजुरांव्यतिरिक्त इतर प्रवाशांना घरी पोहचवण्यासाठी १२ मेपासून रेल्वे १५ पॅसेंजर ट्रेन चालवणार आहे. या पॅसेंजर ट्रेन जोडीने चालवण्यात येतील. (return journeys) यानुसार या ट्रेनच्या एकूण ३० फेऱ्या होतील. यासाठी आज (सोमवारी) दुपारी ४ वाजल्यापासून IRCTC या रेल्वेच्या संकेतस्थळावर तिकिटांचे ऑनलाईन बुकिंग सुरु होणार होते. मात्र, रेल्वेचे हे संकेतस्थळ उघडत नसल्याच्या तक्रारी आता समोर येत आहेत. दुपारी ४ वाजल्यापासून बुकिंगला सुरुवात होणार होती. मात्र, रेल्वेचे संकेतस्थळ उघडायला गेल्यास This page not working असा संदेश झळकत आहे. त्यामुळे रेल्वेने आपल्या गावी जाण्याची आस लावून बसलेल्या लोकांचा हिरमोड झाला आहे.
Special trains are being uploaded in system. Booking will start soon.
— IRCTC (@IRCTCofficial) May 11, 2020
दरम्यान, रेल्वेकडून याबाबत स्पष्टीकरण देण्यात आले आहे. एकाचवेळी अनेक लोक संकेतस्थळावर आल्यामुळे रेल्वेची साईट क्रॅश झाल्याची शक्यता आहे. मात्र, थोड्याचवेळात म्हणजे ६ वाजता संकेतस्थळ पुन्हा सुरु होईल, असे IRCTCने स्पष्ट केले आहे.
Booking for train tickets to begin at 6:00 PM: Indian Railway Catering and Tourism Corporation (IRCTC) pic.twitter.com/jXKWcsA8Nw
— ANI (@ANI) May 11, 2020
कोरोना व्हायरसच्या प्रादुर्भावाची पार्श्वभूमी पाहता सुरु असणाऱ्या लॉकडाऊनच्या काळात पूर्णपणे बंद असणारी रेल्वे वाहतूक आता खास सुविधेअंतर्गत टप्प्याटप्पाने सुरु होणार आहे. त्यानुसार प्रवाशांसाठी रेल्वेनं महत्त्वाची नियमावली जारी केली आहे. मुख्य म्हणजे तिकीट कन्फर्म असेल तरच रेल्वे प्रवास करा, असंही प्रशासनाकडून वारंवार सांगण्यात येत आहे.
रेल्वे प्रवासाठी देण्यात आलेल्या काही अटींमध्येच कन्फर्म ई तिकीट असणं अनिवार्य असेल. त्याशिवाय रेल्वे स्थानकात प्रवेश दिला जाणार नाही. शिवाय प्रवासाची सुरुवात करतेवेळी आणि प्रवासादरम्यानही सोशल डिस्टन्सिंगचं काटेकोरपणे पालन गेलं जाण्याची अट नमूद करण्यात आली आहे. निर्धारित स्थानकावर पोहोचल्यानंतर तेथे आरोग्य विभागाच्या आदेशांनुसार सर्व अटीचं पालन करणं प्रवाशांना बंधनकारक असेल. रेल्वेची कँटीन सेवा बंद असेल. शिवाय नेहमी देण्यात येणाऱ्या सुविधा उदा. ब्लँकेट, चादर, उशी या सुविधा पुरवण्यात येणार नाही.
”ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”