मुंबई । भारतीय शेअर बाजारासाठी आजचा मंगळवार चांगला होता. Bulls नी पुन्हा एकदा बाजारात पुनरागमन केले आहे. बाजारात आज जोरदार वाढ पाहायला मिळाली. सेन्सेक्स 886.51 अंकांच्या वाढीसह 57,633.65 वर बंद झाला. त्याच वेळी, निफ्टी 264.45 अंकांच्या वाढीसह 17,176.70 वर बंद झाला. बँक निफ्टीमध्येही 882 अंकांची वाढ दिसून आली.
बीएसईच्या सर्व क्षेत्र निर्देशांकांमध्ये खरेदी दिसून आली. मेटल, बँक, रियल्टी, वाहन शेअर्समध्ये सर्वाधिक खरेदी झाली. निफ्टीच्या 50 पैकी 45 शेअर्समध्ये खरेदी दिसून येत आहे. सेन्सेक्समधील 30 पैकी 28 शेअर्समध्ये खरेदी झाली. निफ्टी बँकेचे सर्व 12 शेअर्स खरेदी करण्यात आले आहेत.
बँक, मेटल आणि फायनान्स शेअर्स वधारले
निफ्टीने पुन्हा एकदा 17,100 ची पातळी ओलांडली आहे. निफ्टीने आज इंट्राडे मध्ये 17,171.60 चा उच्चांक सेट केला. त्याचप्रमाणे सेन्सेक्सनेही आज इंट्राडेमध्ये 57,642.24 चा उच्चांक गाठला. दोन्ही सेन्सेक्स निफ्टी आज 1.5 टक्क्यांहून जास्त वाढ दाखवत होते. आज बँका, मेटल आणि फायनान्स शेअर्समध्ये सर्वाधिक उत्साह दिसून येत आहे.
कोरोना विषाणूच्या नवीन व्हेरिएंटची भीती कमी झाली आहे
कोविड-19 च्या ओमिक्रॉन स्ट्रेनच्या प्राथमिक अभ्यासातून असे दिसून आले आहे की, हा विषाणू खूप वेगाने पसरतो, मात्र त्याचा प्रभाव डेल्टा व्हेरिएंटपेक्षा खूपच सौम्य आहे. व्हाईट हाऊसचे मुख्य वैद्यकीय सल्लागार डॉ. अँथनी फौसी यांनीही या विषाणूशी संबंधित प्रारंभिक डेटा अतिशय उत्साहवर्धक असल्याचे म्हटले आहे. त्याचबरोबर या व्हायरसला पूर्णपणे समजून घेण्यासाठी आणखी डेटा आवश्यक असल्याचेही त्यांनी सांगितले. या रिपोर्ट्स मुळे कोरोना व्हेरिएंटची भीती थोडी कमी झाली आहे. ज्याचा बाजारावर सकारात्मक परिणाम होत आहे.
यूएस मार्केटमध्ये मजबूत नफा
सर्व सकारात्मक बातम्यांदरम्यान, सोमवारी अमेरिकन बाजारांमध्ये जोरदार वाढ झाली. त्याचा परिणाम आशियाई बाजारांवरही दिसून आला. त्यामुळे हँग सेंग 1.8 टक्के, कोस्पी 0.6 टक्के आणि निक्की 2 टक्के चालले आहेत. Tencent ने हाँगकाँग बेंचमार्क इंडेक्सवर सुमारे 3 टक्क्यांची वाढ केली आहे. तर अलीबाबा 10 टक्के वाढला.
खरेदीची भावना
दोन दिवसांच्या जोरदार घसरणीनंतर आज बाजारातील घसरणीवर खरेदीची भावना काम करत असल्याचे दिसते. चांगल्या शेअर्समध्ये खरेदी होताना दिसत आहे. यामुळे आज सर्व क्षेत्रीय निर्देशांक ग्रीन मार्कवर आहेत. निफ्टी बँक 2.4 टक्क्यांनी वधारत आहे तर निफ्टी मेटल 2.5 टक्क्यांनी वधारला आहे. फर्मा निर्देशांकानेही आजच्या सुरुवातीच्या घसरणीनंतर वेग पकडला आहे. वोलॅटिलिटी इंडिया विक्स देखील 18.6 वर सुमारे 60 टक्क्यांनी घसरला आहे.
RBI मॉनेट्री पॉलिसी
बाजाराच्या नजरा RBI च्या मॉनेट्री पॉलिसीवर आहेत. यामध्ये कोणतेही मोठे बदल अपेक्षित नाहीत. RBI रेपो दर 4 टक्के ठेवणार असल्याचे रॉयटर्सने केलेल्या सर्वेक्षणातून समोर आले आहे. अलीकडील आकडेवारी असे दर्शवते की, देशाची अर्थव्यवस्था मजबूत रिकव्हरी मूडमध्ये आहे. उच्च वारंवारता निर्देशकाशी संबंधित 22 पैकी 19 आकडे पूर्ण रिकव्हरी दर्शवत आहेत. हे 19 आकडे सप्टेंबर, ऑक्टोबर आणि नोव्हेंबर या तीनही महिन्यांतील कोरोनापूर्वीच्या स्थितीपेक्षा चांगले आहेत. याशिवाय ई-वे बिल, व्यापारी मालाची निर्यात, कोळशाचे उत्पादन आणि मालवाहतुकीशी संबंधित डेटा देखील अर्थव्यवस्थेत सुधारणा होण्याची चिन्हे दाखवत आहेत. त्याचा परिणाम बाजारावर दिसून येत आहे.
