हॅलो महाराष्ट्र ऑनलाइन | परीक्षा ऑनलाइन पध्दतीने घेण्यात याव्या या मागणीसाठी राज्यातील विद्यार्थ्यांनी शिक्षणमंत्री वर्षा गायकवाड यांच्या मुंबईतील निवासस्थानी आंदोलन केले आहे. परिस्थिती हाताबाहेर जाताच पोलिसांनी घटनास्थळी दाखल होत विद्यार्थ्यांवर लाठीचार्ज केला आहे.
वर्षा गायकवाड यांच्या धारावी येथील निवासस्थानकाबाहेर विद्यार्थ्यांनी मोठं आंदोलन केले आहे. यावेळी परीक्षा ऑनलाइन पध्दतीने घेण्याची मागणी विद्यार्थ्यांनी केली आहे. शाळा कॉलेज ऑनलाइन आहे तर मग परीक्षा ऑफलाईन का असा सवाल विद्यार्थ्यांकडून केला जात आहे.
दरम्यान, या संपूर्ण प्रकरणावरून भाजपने सरकार वर टीका केली आहे. विद्यार्थ्यांना न्याय देण्यासाठी त्यांच्यासोबत सरकारने चर्चा करावी आणि मार्ग काढावा अशी मागणी भाजप नेते सुधीर मुनगंटीवार यांनी केली आहे. मागणी करणाऱ्या सोबत चर्चाच न करणे काही बरोबर नाही असेही त्यांनी म्हंटल.
