Social Media

अयोध्या खटल्याच्या निकालानंतर कायदा सुव्यवस्था राखण्याच्या दृष्टीने राज्यासह देशभरातील पोलिस प्रशासन कामाला लागले आहे. विशेष म्हणजे सोशल मीडियाच्या माध्यमातून कोणताही अनुचित प्रकार घडू नये म्हणून पोलीस पहारा देत आहेत. पोलिसांचे सोशल मीडिया वर बारीक लक्ष असुन नागरिकांनी चुकीचे मेसेज पुढे पाठवले तर संबंधित व्यक्तीवर तत्काळ गुन्हे दाखल करण्याचे आदेश पोलिसांकडून देण्यात आले आहेत. संपूर्ण राज्यभर सायबर सेल सोशल मीडियाव लक्ष ठेवून आहेत. राममंदीरा संदर्भात कोणताही मैसेज किंवा स्टेटस दिसल्यास तत्काळ त्या व्यक्तीला फोन करून संबंधित पोस्ट हटवण्यासंदर्भात सूचना देण्यात येणार असल्याची माहिती आहे. जर सूचनेचे पालन करण्यात आले नाही तर त्या व्यक्तीवर तातडीने गुन्हा दाखल करण्यात येणार असल्याचे पोलिसांकडून सांगण्यात येणार आहे.