नवी दिल्ली । ICICI बँकेने सुरू केलेल्या गोल्डन इयर्स FD योजनेचा आज शेवटचा दिवस आहे. बँक 8 एप्रिल 2022 पर्यंत म्हणजेच आजपर्यंतच्या 2 कोटी रुपयांपेक्षा कमी FD वर ज्येष्ठ नागरिकांना विशेष अतिरिक्त व्याज दर देत आहे. हा अतिरिक्त व्याजदर 5 वर्षांपेक्षा जास्त कालावधीच्या FD वर दिला जाईल.
गोल्डन ईयर्स योजने अंतर्गत बँक हा अतिरिक्त व्याजदर देत आहे जो 20 जानेवारी 2022 पासून लागू झाला आहे. ICICI बँकेचे म्हणणे आहे की, मर्यादित कालावधीत FD करणाऱ्या निवासी ज्येष्ठ नागरिकांना काही कालावधीसाठी सध्याच्या 0.50% व्याजदराव्यतिरिक्त 0.25% अतिरिक्त व्याजदर मिळेल.
‘ही’ योजना रिन्यू केलेल्या FD वर देखील लागू होईल
बँकेने म्हटले आहे की, या योजनेंतर्गत नवीन FD उघडणाऱ्या लोकांव्यतिरिक्त, ज्या लोकांनी या कालावधीत आपली जुनी FD रिन्यू केली आहे त्यांनाही समाविष्ट केले जाईल. ही योजना 20 मे 2020 ते 8 एप्रिल 2022 दरम्यान उघडलेल्या किंवा रिन्यू केलेल्या FD ना लागू आहे.
FD चा कालावधी
FD 5 वर्षे 1 दिवस ते 10 वर्षे कालावधीसाठी आणि 2 कोटी रुपयांपेक्षा कमीच्या FD साठी लागू आहे. सर्वसाधारणपणे बँक दिलेल्या कालावधीत ज्येष्ठ नागरिकांना 6.35% व्याजदर देते जे इतरांना देऊ केलेल्या 5.60% दराच्या तुलनेत आधीच जास्त आहे. मात्र, गोल्डन इयर्स FD सुरू केल्यापासून, बँक ज्येष्ठ नागरिकांना ऑफर केलेल्या सामान्य व्याज दरापेक्षा 0.25% अतिरिक्त दर देत आहे.
FD वेळेपूर्वी तोडण्याचे नियम काय आहेत ?
बँकेच्या म्हणण्यानुसार, वरील योजनेंतर्गत उघडलेली FD मुदतीपूर्वी काढली किंवा 5 वर्ष 1 दिवसानंतर किंवा बंद केल्यास, 1.25% टक्के दराने दंड लागू होईल. या योजनेत उघडलेली FD 5 वर्षे आणि 1 दिवसापूर्वी मुदतीपूर्वी काढली/बंद केली असल्यास, त्यासाठी सध्याचे मुदतपूर्व पैसे काढण्याचे धोरण लागू होईल.
