कोरोना नियमांचे उल्लंघन केल्याप्रकरणी शहरातील ‘हे’ नामांकित क्लॉथ सेंटर सील

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

औरंगाबाद – कोरोना नियमावलीचे पालन करून घेण्यासाठी जिल्हाधिकारी सुनील चव्हाण तसेच मनपा प्रशासक आस्तिक कुमार पांडेय यांनी नियुक्त केलेल्या भरारी पथकाने जालना रोडवरील आकाशवाणी चौकातील नामांकित कापडाचे दालन राज क्लॉथ आज दुपारी साडेतीन वाजेच्या दरम्यान सिल केल्याने व्यापाऱ्यांमध्ये खळबळ उडाली आहे.

सहाय्यक कामगार उपायुक्त वाय. एस. पडीयाल, मनपा झोन क्रं. 9 चे अधिकारी संपतराव दराडे व पोलीस अधिकारी, कर्मचारी व मित्र पथकाने या दालनाला भेट दिली असता त्या ठिकाणी एका कर्मचाऱ्याने मास्क लावले नव्हते, तर चाऱ्याची पहिलीच लस पूर्ण झालेली होती यावरून या दालनाला सिल केले. क्लॉथ स्टोअर मध्ये दीडशे कर्मचारी काम करतात. पुढील आदेशापर्यंत हे दुकान बंद राहणार आहे.

तसेच याविषयी पुढील कार्यवाईची माहिती जिल्हाधिकारी देणार असल्याचे त्यांनी सांगितले. शहरातील अस्थापनेत या कार्यवाईमुळे खळबळ उडाली आहे. गर्दीवर नियंत्रण मिळवणे, कोरोना रुग्णसंख्या वाढत असल्याने व कोरोना लसीकरण शंभर टक्के झाले पाहिजे यासाठी धडक कारवाई जिल्हा प्रशासनाच्या वतीने सुरु करण्यात आली आहे.

Leave a Comment