देशाचा परकीय चलनाचा साठा पुन्हा कमी झाला, सोन्याच्या साठ्यामध्ये झाली वाढ

मुंबई | देशाच्या परकीय चलनाच्या गंगाजळीत पुन्हा घट झाली आहे. 31 डिसेंबर 2021 रोजी संपलेल्या आठवड्यात ते 1.466 अब्ज डॉलर्सने घसरून 633.614 अब्ज डॉलर्स झाले. रिझर्व्ह बँक ऑफ इंडियाने (RBI) शुक्रवारी जारी केलेल्या आकडेवारीत ही माहिती देण्यात आली आहे.

यापूर्वी, 24 डिसेंबर रोजी संपलेल्या आठवड्यात परकीय चलन साठा 58.7 कोटी डॉलर्सने घसरून 635.08 अब्ज डॉलर्स झाला होता. यापूर्वी, 17 डिसेंबर 2021 रोजी संपलेल्या आठवड्यात ते 16 कोटी डॉलर्सने कमी होऊन 635.667 अब्ज डॉलर्स झाले होते. 10 डिसेंबर रोजी संपलेल्या आठवड्यात परकीय चलन साठा 7.7 कोटी डॉलर्सने घसरून 635.828 अब्ज डॉलर्स झाला आहे.

FCA 1.48 अब्ज डॉलर्सने कमी झाला
शुक्रवारी RBI ने जारी केलेल्या साप्ताहिक आकडेवारीनुसार, 31 डिसेंबर रोजी संपलेल्या आठवड्यात परकीय चलन साठ्यातील ही घसरण मुख्यत्वे विदेशी चलन मालमत्ता (Foreign Currency Assets) मध्ये घट झाल्यामुळे झाली आहे, जी एकूण चलन साठ्याचा एक महत्त्वपूर्ण भाग आहे. आहे. रिझव्‍‌र्ह बँकेने म्हटले आहे की रिपोर्टींग वीकमध्ये भारताचा FCA 1.48 अब्ज डॉलर्सने घसरून 569.889 अब्ज डॉलर्स झाला आहे. डॉलरमध्ये नामांकित, FCAs मध्ये परकीय चलनाच्या साठ्यामध्ये असलेल्या युरो, पौंड आणि येन सारख्या इतर विदेशी चलनांच्या मूल्यात वाढ किंवा घट होण्याचा प्रभाव देखील समाविष्ट असतो.

सोन्याच्या साठ्यात वाढ
याशिवाय, रिपोर्टींग वीकमध्ये सोन्याच्या साठ्याचे मूल्य 1.4 कोटी डॉलर्सने वाढून 39.405 अब्ज डॉलर्स झाले आहे. रिपोर्टिंग वीकमध्ये, आंतरराष्ट्रीय नाणेनिधी (IMF) मध्ये देशाचा SDR (Special Drawing Rights) 19.114 अब्ज डॉलर्सवर अपरिवर्तित राहिला. IMF मध्ये देशाचा चलन साठा 5.207 अब्ज डॉलर्स इतका आहे.