हॅलो महाराष्ट्र ऑनलाइन | राज्याचे मुख्यमंत्री उद्धव ठाकरे यांनी एका ऑनलाइन कार्यक्रमात भाजप नेते आणि केंद्रीय मंत्री नितीन गडकरी यांचे तोंडभरून कौतुक केलं. जेव्हा आपलं युतीचं सरकार महाराष्ट्रात होत तेव्हा मुंबई-पुणे एक्स्प्रेस हायवे गडकरींच्या कारकिर्दीत उभारण्यात आला याची आठवण मुख्यमंत्र्यांनी करून दिली. तसेच महाराष्ट्राला तुमची अजून गरज आहे असेही उद्धव ठाकरे म्हणाले.
उद्धव ठाकरे म्हणाले, गडकरींकडच्या तंत्रज्ञानाची राज्याला गरज आहे. भविष्यात पर्यावरणाचं हित सांभाळात काम करायचं आहे. जे काही करायचे ते मजबूत करायचं आहे. कितीही पाऊस पडला तरीही बाधा येणार नाही, असं काम भविष्यात आपल्याला करायचं आहे,अस उद्धव ठाकरे म्हणाले.
स्वप्न प्रत्यक्षात आणणं यासाठी मोठं धाडस लागतं. तुमच्या जागी दुसरं कोणी असतं ना तर मी करतो किंवा बघतो असं म्हटलं असतं. मात्र, तुम्ही ते करून दाखवलं.आत्ताची तुमची ओळख तुम्ही देशभरात आपल्या कर्तृत्वाने निर्माण करत आहात. त्यासाठी मला तुमचा अभिमान आहे. असे म्हणत उद्धव ठाकरेंनी नितीन गडकरी यांचे कौतुक केले.