ऐकावं ते नवलंच! महिला खासदाराने दिला मुलीला जन्म, नाव ठेवले ‘कोरोना’

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

कोलकाता । देशात कोरोनाचं संकट वाढत आहे. लॉकडाऊनमुळं सर्वत्र जनजीवन विस्कळीत झालं आहे. घराबाहेर पडण्यासाठी लोकांना मनाई आहे. भारतात रोज कोरोनाच्या रुग्णांमध्ये वाढ होत आहे. संपूर्ण देशात भय आणि अनिश्चिततेचं वातावरण आहे. अशा काळात अनेक रंजक आणि आश्चर्यकारक वार्ता ऐकायला मिळत आहेत. अशीच एक वार्ता पश्चिम बंगालमधून समोर आली आहे. तृणमूल काँग्रेस पक्षाच्या एका महिला खासदाराने मुलीला जन्म दिला आहे. मुलीला जन्म दिला यात आनंदाचीच गोष्ट आहे. पण त्याहीपेक्षा रंजक आणि नवलाईची बाब म्हणजे या मुलीचं महिला खासदाराने ठेवलेलं नाव. या मुलीचं नाव ‘कोरोना’ असं ठेवण्यात आलं आहे.

पश्चिम बंगालच्या हुगली जिल्ह्यात जन्मलेल्या या मुलीचं उपनाव कोरोना ठेवण्यात आलं आहे. तृणमूल काँग्रेसच्या खासदार अपरूपा पोद्दार आई झाल्या आहेत. संपूर्ण जग कोरोनाशी लढत असताना अपरूपा यांनी आपल्या नवजात मुलीचं उपनाव ‘कोरोना’ असं ठरवलं. महत्त्वाचं म्हणजे अपरूपा यांचे देखील २ नावं आहेत. अपरूपा पोद्दार यासह त्या आफरीन अली या नावानं देशील ओळखल्या जातात. अपरूपा याचे पती शकीर अली यांनी म्हटलं की, ‘आमच्या येथे मुलीचा जन्म झाला आहे. हे आमचं दुसरं अपत्य आहे. ती कोरोनामुळे देशात लॉकडाऊन लागू असल्याचं तीचं उपनाव कोरोना असेल.’

पण मुलीचं मुख्य नाव ठेवण्यासाठी त्यांनी पश्चिम बंगालच्या मुख्यमंत्री ममता बॅनर्जी यांच्याकडे नाव सुचवण्याची विनंती केली आहे. मुलीचं नाव मुख्यमंत्री ममता बॅनर्जी यांच्या सुचवण्यावरुन ठेवण्यात येणार असल्याचं त्यांनी म्हटलं आहे. अपरूपा ह्या पश्चिम बंगालमधील आरामबाग लोकसभा मतदारसंघामधून खासदार म्हणून दुसऱ्यांदा निवडून आल्या आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”

Leave a Comment