हॅलो बॉलिवूड ऑनलाईन। सध्या तरुणाईत अत्यंत प्रसिद्ध असलेला गायक टोनी कक्कर याचे ‘तेरा सूट’ हे गाणे अल्पावधीतच लोकप्रिय झाले होते. आतापर्यंत या गाण्याने सोशल मीडियावर बरीच धमाल केली आहे. सध्या या गाण्याची क्रेझ तरुणांमध्ये इतकी वाढली आहे की, अनेकांनी या गाण्यावर डान्स करतानाचे व्हिडिओज सोशल मीडियावर पोस्ट केले आहेत. या दरम्यान एका युवकाने या गाण्यावर ब्रेक डान्स केला आहे. हा डान्स व्हिडिओ टोनीला खूपच आवडला आहे. इतकेच नव्हे तर त्याने हा व्हिडिओ आपल्या इंस्टाग्राम अकाऊंटवर शेअरसुद्धा केला आहे.
https://www.instagram.com/p/CPLZEH8gHGR/?utm_medium=copy_link
हा व्हिडिओ शेअर करत टोनीने कॅप्शनमध्ये लिहिले आहे की, “आज या व्हिडिओने माझा दिवस बनवला आहे.” टोनी कक्करच्या या प्रसिद्ध गाण्यात टीव्ही रिॲलिटी शोपैकी लोकप्रिय शो ‘बिग बॉस १४’ चे स्पर्धक अभिनेता अली गोनी आणि अभिनेत्री जॅस्मिन भसीन एकत्र दिसले होते. टोनीने शेअर केलेला हा डान्स व्हिडिओ आता सोशल मीडियावर खूपच व्हायरल होत आहे. हा व्हिडिओ आतापर्यंत इंस्टाग्रामवर अवघ्या २४ तासांच्या आत सुमारे ४ लाखांहून अधिक लोकांनी पाहिला आहे.
https://www.instagram.com/p/COE3dW5AE0G/?utm_medium=copy_link
तसे पाहता, सोशल मीडियावर कोणता व्हिडिओ कधी, कुठे आणि कसा व्हायरल होईल, हे सांगणे जरा नाही जास्तच कठीण आहे. कारण या सर्व गोष्टी इंटरनेट युजर्सच्या हातात आहेत. त्यांना जे काही आवडत ते वायरल व्हायला जराही वेळ लागत नाही. सोशल मीडिया हे एक असे व्यासपीठ आहे, जे प्रतिभावान लोकांसाठी आजकाल एखाद्या वरदानापेक्षा कमी नाही. या ठिकाणी लोक जगासमोर सहजपणे त्यांची कौशल्ये सादर करू शकतात आणि इतरांकडून वाह वाह मिळवू शकतात.