कराड | सुपने (ता. कराड) येथील विकास सेवा सोसायटी अॅड. उदयसिंह पाटील- उंडाळकर यांचे नेतृत्व मानणाऱ्या कृषी उत्पन्न बाजार समितीचे माजी संचालक प्रकाश पाटील यांच्या सुपने विकास पॅनेलने एकहाती 13-0 अशी सत्ता अबाधीत ठेवली आहे. तर विरोधी संत नावजी महाराज पॅनेलचा धुव्वा उडविला.
सुपने विकास सेवा सोसायटीत विजयी उमेदवार व त्यांची मते कंसात पुढीलप्रमाणे
सर्वसाधारण गटातून ः दिपक (प्रकाश) आकाराम पाटील (259), केदार निवृत्ती पाटील (241), बजरंग प्रताप पाटील (251), महादेव भिमराव पाटील (239), राजेंद्र निवृत्ती पाटील (238), विक्रमसिंह एकनाथ पाटील (237), संतोष जयसिंग पाटील (234), हिंदुराव अनंत पाटील (234). महिला राखीव गटातून ः उषा हणमंत जाधव (256), रोहीणी सुरेंद्रकुमार शिंदे (259). इतरमागास प्रवर्ग राखीव गटातून ः भरत बाळकृष्ण माळी (258), अनुसूचित जाती-जमाती राखीव गटातून ः जयप्रकाश अरूण बामणे (260). विमुक्त जाती-जमाती- विशेष मागास राखीव गटातून ः दादाराम सिताराम जाधव (258)
कराड तालुक्यातील सुपने गावात विकास सेवा सोसायटीच्या निवडणूकीच्या निमित्ताने स्थानिक पातळीवर प्रकाश पाटील यांच्या विरोधात गावातील सर्व स्थानिक नेत्यांनी एकत्र येत आव्हान दिले होते. तसेच आरोप- प्रत्यारोप करत निवडणूकीत रंगत आणलेली होती. प्रकाश पाटील यांच्यावर भ्रष्टाचाराचे आरोप करण्यात आले होते, तरीही मतदारांनी विरोधकांचा धुव्वा उडवित सुपने विकास पॅनेलला एकहाती मोठ्या फरकाने विजयी मिळविला. त्यानंतर विजयी पॅनेलने सुपने गावातून जल्लोष करत विजयी रॅली व फटाक्याची अतिषबाजी केली. विरोधात राष्ट्रवादी पुरस्कृत पालकमंत्री बाळासाहेब पाटील व माजी मंत्री विक्रमसिंह पाटणकर यांचे समर्थकांसह अन्यही गट एकत्रित होते. विरोधी पॅनेलचे पंचायत समिती सदस्या सुरेखा पाटील, राहूल पाटील, बलराज पाटील, महेंद्र पाटील, जी. आर. पाटील, सतिश पानुगडे यांच्या नेतृत्वातील संत नावजी महाराज ग्रामविकास पॅनेलच्या सर्व उमेदवारांचा 70 ते 107 मतांनी पराभव झाला आहे.
