नवी दिल्ली । केंद्र सरकारच्या अनेक योजनांबाबत सोशल मीडियावर अफवा पसरवल्या जातात. अलीकडेच एक मेसेज व्हायरल होत आहे, ज्यामध्ये असा दावा केला जात आहे की, केंद्र सरकार कोरोनामुळे ग्रस्त लोकांना उपचारासाठी 4000 रुपयांची आर्थिक मदत देत आहे. हा मेसेज व्हॉट्सअ‍ॅपवर झपाट्याने व्हायरल होत होता, त्यानंतर त्यामागील सत्य शोधण्यासाठी PIB ने त्याची तपासणी केली.
जेव्हा भारत सरकारचे अधिकृत ट्विटर हँडल PIB Fact Check ने या मेसेजची तपासणी केली तेव्हा ते पूर्णपणे बनावट असल्याचे निष्पन्न झाले. अशी कोणतीही योजना सरकारकडून चालवली जात नाही.
https://twitter.com/PIBFactCheck/status/1427915514299371525?
PIB ने ट्विट केले
या मेसेजमध्ये दावा केला जात आहे की,” भारत सरकार सर्व तरुणांना #प्रधानमंत्री रामबाण सुरक्षा योजना अंतर्गत #कोरोनाव्हायरसच्या मोफत उपचारांसाठी 4000 रुपयांची मदत देत आहे. PIBFactCheck ने या दाव्याला बनावट असे म्हटले आहे. अशी कोणतीही योजना भारत सरकार चालवत नाही.
PIB ने लोकांना दिला हा सल्ला
हा दावा #PIBFactCheck मध्ये बनावट असल्याचे निष्पन्न झाले आहे. PIB ने अशा कोणत्याही योजनेसाठी अर्ज करण्यापूर्वी लोकांना त्यांचे योग्य परिक्षण करण्याचा सल्ला दिला आहे. केंद्र सरकारने सुरू केलेल्या प्रत्येक योजनेची माहिती संबंधित मंत्रालयाने आधीच जारी केली आहे. म्हणून, संबंधित मंत्रालयाची वेबसाइट, PIB आणि इतर विश्वसनीय माध्यमे तपासल्यानंतरच प्रत्येक योजनेसाठी अर्ज करा. यात असेही म्हटले गेले आहे की, जर तुम्ही कोणत्याही बनावट बातम्यांच्या जाळ्यात अडकलात तर तुम्हाला नफ्याऐवजी आर्थिक नुकसानीला सामोरे जावे लागू शकते.”
आपण फॅक्ट चेक देखील करू शकता
जर तुम्हालाही असा काही मेसेज आला, तर तुम्ही तथ्य तपासण्यासाठी तो https://factcheck.pib.gov.in/ किंवा whatsapp नंबर +918799711259 किंवा ईमेल: [email protected] PIB ला पाठवू शकता. ही माहिती PIB वेबसाइट https://pib.gov.in वर देखील उपलब्ध आहे.