नवी दिल्ली । युनिक हेल्थ आयडी कार्ड आयुष्मान भारत डिजिटल मिशनचा एक भाग आहे. या कार्डच्या मदतीने देशभरातील निवडक रुग्णालयांमध्ये उपचार घेण्याची सुविधा उपलब्ध आहे. युनिक हेल्थ आयडी कार्ड हा आयुष्मान भारत डिजिटल मिशन (ABDM) चा एक भाग आहे.
डिजिटल हेल्थ मिशन अंतर्गत सरकार प्रत्येक व्यक्तीसाठी युनिक हेल्थ कार्ड बनवत आहे. डिजिटल हेल्थ कार्ड हे आधार कार्डप्रमाणेच डिजिटल कार्ड आहे. हेल्थ कार्डमध्ये आधार कार्डप्रमाणेच तुम्हाला एक नंबर मिळेल. या कार्डमध्ये तुमच्या आरोग्याशी संबंधित संपूर्ण माहिती नोंदवली जाईल. याच्या मदतीने डॉक्टर तुमच्या संपूर्ण हेल्थ रेकॉर्ड पाहू शकतात. म्हणजेच या कार्डच्या माध्यमातून कोणत्याही रुग्णाची मेडिकल हिस्ट्री शोधली जाऊ शकते.
हेल्थ कार्डचे फायदे
युनिक हेल्थ कार्ड हे एक प्रकारे तुमच्या आरोग्याची कुंडली आहे, जी पाहून तुम्हाला कळेल की तुमच्या आजारावर कसे आणि कुठे उपचार झाले आहेत. कोणत्या डॉक्टरांचा सल्ला घेण्यात आला आणि यापूर्वी कोणती औषधे दिली गेली आहेत? यामुळे रुग्णाला सर्वत्र फाईल सोबत घेऊन जावे लागणार नाही.
डॉक्टर किंवा हॉस्पिटलला रुग्णाचा युनिक हेल्थ आयडी पाहून त्याची प्रकृती कळू शकेल आणि त्यानंतर त्याच्या आधारे पुढील उपचार सुरू करता येतील. युनिक हेल्थ कार्डमुळे व्यक्तीला सरकारी योजनांचीही माहिती मिळेल. रुग्णाला आयुष्मान भारत अंतर्गत उपचार सुविधांचा लाभ मिळतो की नाही, हे या युनिक कार्डद्वारे कळणार आहे.
तुमचे हेल्थ रेकॉर्ड
युनिक हेल्थ आयडी कार्डमध्ये व्यक्तीचा मोबाईल नंबर आणि आधार क्रमांक नोंदवला जाईल. या दोन नोंदींच्या मदतीने युनिक हेल्थ कार्ड तयार केले जाणार आहे. यासाठी सरकार एक हेल्थ अथॉरिटी तयार करेल, जो वैयक्तिक डेटा गोळा करेल. ज्या व्यक्तीचा हेल्थ आयडी बनवायचा आहे त्याचे हेल्थ रेकॉर्डगोळा करण्यासाठी हेल्थ अथॉरिटीकडून परवानगी दिली जाईल.
युनिक हेल्थ आयडी कार्ड कसे बनवायचे ?
तुम्हाला तुमचे हेल्थ आयडी कार्ड बनवायचे असेल, तर त्यासाठी तुम्हाला http://www.healthid.ndhm.gov.in या पोर्टलवर रजिस्ट्रेशन करावे लागेल. तुम्ही तुमच्या मोबाईलवर ABDM Health Records App देखील डाउनलोड करू शकता. याद्वारे तुम्ही हेल्थ आयडी कार्डसाठीही रजिस्ट्रेशन करू शकता. यामध्ये तुम्हाला तुमची बेसिक इन्फर्मेशन भरावे लागेल आणि त्यासोबतच तुम्हाला तुमचा मोबाइल नंबर किंवा आधार क्रमांक ऑथेंटिकेट करावा लागेल.
हेल्थ आयडी कार्ड तयार करताना आधार अनिवार्य नाही. जर तुमच्याकडे आधार कार्ड नसेल किंवा तुम्हाला त्यात आधार वापरायचा नसेल तर फक्त मोबाईल नंबर वापरून हेल्थ आयडी कार्ड बनवता येईल.
हेल्थ कार्डसाठी अर्ज करा
– हेल्थ आयडी कार्ड तयार करण्यासाठी, नॅशनल डिजिटल हेल्थ मिशन-NDHM च्या वेबसाइटला भेट द्यावी लागेल.
– वेबसाइटवरील Create Your Health ID या पर्यायावर क्लिक करा.
– जर तुम्हाला आधार कार्डवरून आयडी कार्ड बनवायचे असेल तर Generate via Aadhar वर क्लिक करा.
– क्लिक केल्यावर, तुम्हाला आधार कार्ड क्रमांक एंटर करण्यास सांगितले जाईल.
– यासोबतच तुमची संमती विचारली जाईल.
– तुम्ही सहमत असाल तर I agree वर क्लिक करून सबमिट करा.
– सबमिट केल्यानंतर, रजिस्टर्ड मोबाइल नंबरवर 6-अंकी OTP पाठवला जाईल.
– OTP कोड व्हेरिफाय करणे आवश्यक आहे.
– मोबाईल क्रमांकाचेही व्हेरिफिकेशन करावे लागणार आहे. तुम्हाला मोबाईलवर मिळालेला OTP टाकावा लागेल.
– मोबाईलवर दुसरा OTP येईल. हा OTP कोड टाकून पुन्हा एकदा व्हेरिफाय करा.
– दुसरा मेसेज तुमच्या 14 अंकी हेल्थ आयडी क्रमांकासह येईल.
– मेसेजमध्ये दिलेल्या लिंकद्वारे तुम्ही लॉग इन करू शकता.
– यानंतर तुम्हाला नाव, जन्म वर्ष यासारखी सामान्य माहिती विचारली जाईल.
– सर्व माहिती भरल्यानंतर सबमिट वर क्लिक करा. हेल्थ आयडी तयार केले जाईल.