हॅलो महाराष्ट्र ऑनलाईन। (Utkarsh Shinde) अख्ख्या महाराष्ट्रात ‘सबसे कातिल..’ अशी ओळख असणारी गौतमी पाटील तरुणांच्या हृदयाची धडधड आहे. तर महाराष्ट्रात प्रसिद्ध असलेल्या शिंदेशाहीचा अविभाज्य भाग असलेला गायक, संगीतकार आणि अभिनेता उत्कर्ष शिंदे तरुणींच्या दिलाची जान आहे. दोघांचाही आपापला मोठा चाहता वर्ग आहे. त्यामुळे सोशल मीडियावर त्यांच्याबाबत एखादी अपडेट पडली तर चाहते जाणून घेण्यास उत्सुक दिसून येतात. अशातच उत्कर्ष सोबत गौतमीचे काही फोटो आणि व्हिडीओ सोशल मीडियावर व्हायरल होत आहेत. ज्याने नेटकऱ्यांच्या नजरा वळल्या आहेत.
उत्कर्ष शिंदे आणि गौतमी पाटील एकत्र
लोकप्रिय नृत्यांगना गौतमी पाटील आणि ‘बिग बॉस मराठी’ फेम उत्कर्ष शिंदे (Utkarsh Shinde) लवकरच एकत्र एका नव्या गाण्यात झळकणार आहेत. हे गाणं म्हणजे एक नवी बहारदार लावणी असणार आहे. ज्यामध्ये गौतमीच्या अदा आणि सोबत उत्कर्षचा दिलखेच अंदाज पहायला मिळणार आहे. यासंदर्भात स्वतः उत्कर्ष शिंदेने अधिकृत सोशल मीडिया हॅण्डल इंस्टाग्रामवर एक पोस्ट शेअर केली आहे. जी सध्या सोशल मीडियावर युजर्स आणि दोघांच्याही चाहत्यांचे लक्ष वेधून घेताना दिसत आहे.
उत्कर्ष शिंदेची पोस्ट (Utkarsh Shinde)
गायक आणि अभिनेता उत्कर्ष शिंदेने त्याच्या अधिकृत सोशल मीडिया हॅण्डल इंस्टाग्रामवर एक पोस्ट शेअर केली आहे. ही एक व्हिडीओ पोस्ट आहे.
गौतमीबरोबरचा हा व्हिडीओ शेअर करत उत्कर्षने लिहिलं आहे की, ‘गौतमी पाटील आणि शिंदेशाही एकत्र नव्या ढंगात… ”आहो शेठ लय दिसान झालीया भेट” या मी संगीतबद्ध केलेल्या माझ्या लावणीच्या अभुतपूर्व यशानंतर, आता नव्याने घेऊन येतोय मी लिहिलेली, मी संगीतबद्ध केलेली नवी लावणी ”आलं बाई दाजी माझं”.
चाहत्यांच्या प्रतिक्रिया
उत्कर्षने ही पोस्ट शेअर केल्यानंतर चाहत्यांमध्ये विशेष उत्सुकता दिसून येत आहे. या पोस्टवर नेटकऱ्यांच्या कमेंट्सचा अक्षरशः पाऊस पडताना दिसतोय. एका नेटकऱ्याने कमेंटमध्ये लिहिलंय, ‘दोन आवडते कलाकार एकत्र… अनपेक्षित जोडी आहे’. तर आणखी एकाने लिहिलंय, ‘कडक दिसताय की राव..’. (Utkarsh Shinde) तसेच अन्य एका नेटकऱ्याने लिहिलं आहे की, ‘पाटलीण बाई डायरेक्ट उत्कर्ष साहेबांच्या बुलेटवर..’. याशिवाय काहींनी असेही म्हटले आहे की, ‘दादा तुम्ही कलावंत थोर आहात.. पण ही…? दुसरी कोणी भेटली नाही..’. एकंदरच उत्कर्षच्या या पोस्टनंतर चाहत्यांमध्ये त्याच्या या नव्या लावणीची उत्सुकता पहायला मिळतेय.