वॉशिंग्टन । कोविडविरोधी लस घेतल्यानंतरही, अनेक लोकांना संसर्ग होत आहे. त्यांची संख्याही खूप जास्त आहे. जरी याची संख्या अद्याप स्पष्ट नाही, किंवा ते इतरांना संक्रमणाचे माध्यम बनत आहेत की नाही हे नक्की माहित नाही. कोविडविरोधी लस अजूनही विषाणूविरूद्ध प्रतिकारशक्ती मजबूत ठेवण्यास मदत करत आहे हे स्पष्ट असताना, लस घेतलेली लोकं पूर्वीपेक्षा अधिक गंभीरपणे या आजाराला बळी पडण्याची चिंता वाढत आहे. सेंटर फॉर डिसीज कंट्रोल अँड प्रिवेंशन (CDC) चे माजी संचालक टॉम फ्राइडन म्हणाले,”आपल्याकडील माहितीबाबत याबद्दल आपल्याला संयम ठेवावा लागेल.” आरोग्य संस्थाकडून मिळणाऱ्या अपुऱ्या माहितीमुळे अमेरिकेत लस घेणारी लोकं संभ्रमात आहेत स्वतःचे संरक्षण करण्यासाठी नक्की काय करावे.
ब्लूमबर्गच्या रिपोर्टनुसार, सॅन फ्रान्सिस्को कॅलिफोर्निया विद्यापीठातील संसर्गजन्य रोग तज्ञ मोनिका गांधी म्हणाल्या,”हे स्पष्ट आहे की, आम्हाला अशी बरीच प्रकरणे सापडली आहेत. आपण सर्वजण लसीकरणानंतर एकदा संसर्ग झालेल्या एखाद्यातरी व्यक्तीला ओळखतो, परंतु आमच्याकडे त्याबाबत मोठा क्लिनिकल डेटा उपलब्ध नाही आहे. जुलैच्या शेवटच्या आठवड्यात झालेल्या या कार्यक्रमानंतर माहिती मिळाली, त्यात सहभागी झालेल्या लोकांमध्ये 469 लोकांना संसर्ग झाला. यातील तीन-चतुर्थांश लोकं अशी होती ज्यांना लस देण्यात आली होती.”
इस्रायलमधील संशोधनात कोणती माहिती समोर आली
यानंतर, CDC केस स्टडीच्या लेखकांनी सांगितले की,”याचा अर्थ असा होऊ शकतो की, संक्रमित लोकं कोविड -19 चे संक्रमण लसीकरण न केलेल्या व्यक्तीसारखेच पसरवू शकतात.” मात्र असे असूनही, त्यांनी सावध केले की, जसजशी जास्त लोकं लस घेतील हे स्वाभाविक आहे की, ते कोविड -19 संसर्गाच्या मोठ्या प्रमाणास जबाबदार असतील. मात्र, कोणत्याही निष्कर्षावर किंवा निर्णयापर्यंत पोहोचण्यासाठी हा अभ्यास पुरेसा नव्हता.”
दुसरीकडे, इस्रायलमध्ये झालेल्या एका संशोधनानुसार, लसीकरणानंतरच्या महिन्यांत गंभीर रोगापासून संरक्षण कमी होते. अशा परिस्थितीत, रुग्णालयात दाखल होण्याची शक्यता वाढू शकते. या संदर्भात अभ्यास फारसा पटण्यासारखा नसला तरी येत्या काही महिन्यांत बूस्टर डोसची गरज भासणार असल्याचे तज्ज्ञ सांगत आहेत.