खिमा म्हणलं की नॉनव्हेज मटणाच्या खिम्याचीच आठवण होते परंतु सध्या श्रावण महिना सुरु असल्याने अनेक घरांमध्ये मांसाहार वर्ज असतो म्हणून आम्ही तुमच्या साठी व्हेज खिम्याची रेसिपी घेऊन आलो आहोत.
व्हेज खिम्यासाठी लागणारे साहित्य
१.गाजर, काकडी , फ्लॉवर, कोबी, बटाटा या भाज्या समप्रमाणात
२.टोमॅटो पल्प अर्धी वाटी
३.आले लसूण पेस्ट
४.हिरव्या मिरचीची पेस्ट
५.अर्धा वाटी दही
६.गरम मसाला
७.एक बारीक चिरलेला कांदा
८.चवी नुसार मीठ
कृती
एका कढईत फोडणीसाठी तेल घ्यावे. त्यात बारीक चिरलेला कांदा घालावा.कांदा तेलात सोनेरी झाल्या नंतर त्यात आले लसूण पेस्ट घालावी. हिरव्या मिरचीची पेस्ट दोन चमचे घालून नंतर टोमॅटो पल्प, दही आणि गरम मसाला घालावा. गाजर, काकडी, फ्लॉवर, कोबी, फरसबी, बटाटा या भाज्या स्वच्छ धुवून चिरून फोडणीच्या ग्रेव्हीत घालून घ्याव्या चवी नुसार मीठ घालून भाज्या चांगल्या शिजवाव्यात. भाज्या शिजल्या नंतर खिमा पराठे अथवा पुरी सोबत सर्व्ह करावा.
