सोलापूर प्रतिनिधी । विधानसभा निवडणुकानंतर पहिल्यांदाच आज सोलापूर शहर मध्यच्या आमदार प्रणिती शिंदे यांनी पत्रकारांशी संवाद साधला. सोलापूर श्रमिक पत्रकार संघात प्रणिती विविध मुद्द्यांवर त्यांनी पत्रकारांशी यावेळी बोलल्या.
दरम्यान काल राष्ट्रवादी काँग्रेसचे राष्ट्रीय अध्यक्ष शरद पवार यांनी दिल्लीमध्ये पत्रकार परिषद घेतली, त्यावर बोलताना, “शरद पवार हे मुरब्बी नेते आहेत, त्यामुळे त्यांच्या वक्तव्याचा अनुमान लावणं हे चुकीचं आहे’ असं मत प्रणिती यांनी शरद पवार यांच्याबद्दल व्यक्त केलं.
तसेच राज्यात अजून सत्तास्थापनेचा मुहूर्त निघत नसून, अशा परिस्थिती तुमचं मत काय असं प्रणिती यांना विचारलं असता, ‘महाराष्ट्रात लवकरच महाशिवआघाडी अस्तित्वात आलेली पाहायला मिळेल’, असा आशावाद त्यांनी व्यक्त केला.