आणि योगी आदित्यनाथ ठरले पहिले मुख्यमंत्री

हाथरस (उ.प्रदेश) |१९ मार्च २०१७ रोजी मुख्यमंत्री झालेल्या योगी आदित्यनाथ यांनी अवघ्या १६ महिन्यात राज्यातील सर्व जिल्ह्यांना भेटी दिल्या आहेत. राज्यातील सर्व जिल्ह्यांना भेट देणारे योगी आदित्यनाथ हे पहिले मुख्यमंत्री ठरले आहेत. वाचायला ऐकायला विशेष वाटत असले तरी ही बाब सत्य आहे की,आजपर्यंत कोणतेच मुख्यमंत्री पूर्ण राज्याचा दौरा करू शकले नव्हते.
७५ जिल्हे असलेल्या उत्तर प्रदेशाचा विस्तार अवाढव्य आहे. विस्तारीत प्रदेश असल्याने विकासाच्या कामात बरेच अडथळे येतात म्हणून उत्तर प्रदेश हे राज्य मागास राहिले आहे. मागासलेपणाचा कलंक पुसण्यासाठी मी मुख्यमंत्री झालो आहे असे योगी वारंवार सांगत असतात. याचाच प्रत्येय त्यांच्या राज्य व्यापी दौऱ्यातून आला आहे. योगींच्या महादौऱ्याची सांगता हाथरस जिल्ह्यात झाली आहे.