पुणे प्रतिनिधी | गणेशोत्सव आता अवघ्या काही दिवसांवर येऊन ठेपला असताना गेणेशभक्तांमध्ये उत्साहाचे वातावरण आहे. पुण्यातील मानाच्या पाच गणपतींपैकी असलेल्या कसबा गणपती मंडळाची तयारी आता अंतिम टप्प्यात आलीय. कसबा गणपती मडळ आता गणेशभक्तांच्या स्वागतासाठी सज्ज झालं आहे.
कसबा गणपती मंडळ परिसर पुण्यातील प्रमुख बाजारपेठ असल्याने इथे नेहमीच वर्दळ असते. शहराच्या मध्यभागी असणार्‍या कसबा मंडळाचा गणपती गणेशभक्तांकरता नेहमीच आकर्षणाची गोष्ट असते.
कसबा गणपती मंडळाची मुर्ती लहान पण अतीशय रेखीव अशी अाहे. रेखीवतेप्रमाणेच कसबा मंडळाची सजावट देखील देखणी असते. २ सप्टेंबरला बाप्पांचे आगमन होणार असून कसबा मंडळाचे काम अंतिम टप्प्यात आलं आहे.