बुलढाणा प्रतिनिधी | “भारतीय जनता पक्ष इतर पक्षांच्या लोकांना मोठी आमिषे दाखवून व दबाव आणून पक्ष प्रवेश करवून घेत आहे. त्यामुळे लोकशाही मूल्य धोक्यात आले आहे, याला आम्ही बळी पडणार नाही उलट मोठ्या जोमाने कोंग्रेस पक्ष कामाला लागला आहे. त्यानुसार आमच्या भेटिगाठी सुद्धा सुरु आहेत, पुढील काळात आम्ही मोठे यश प्राप्त करु” असा विश्वास काँग्रेसचे राष्ट्रीय नेते मुकुल वासनिक यानी पत्रकारांशी बोलताना व्यक्त केला.
मुकुल वासनिक सध्या बुलढाणा जिल्ह्याच्या दौऱ्यावर असून जिल्ह्यातील विविध तालुक्यात जाऊन कोंग्रेस कार्यकर्ते व पदाधिकार्यांच्या भेटी घेत आहेत. चिखली येथील आमदार राहुल बोन्द्रे हे कोंग्रेसला सोडचिठ्ठी देत भाजपा किवा शिवसेनेत जाणार असल्याची चर्चा जोरात आहे. त्यावर विचारले असता, राहुल बोन्द्रे यांच्याच नेतृत्वात जिल्ह्यात येणाऱ्या विधानसभा निवडणुकीच्या पार्श्वभूमीवर मोठ यश मिळणार असल्याने, वासनिक यांनी त्या प्रश्नाला बगल दिली.