पुणे | पुण्यातील शनिवारवाडा परिसरातील एका रस्त्यावर लोखंडी होर्डिंग कोसळून भीषण अपघात झाला आहे. यात दोघे जागीच ठार झाले असून आठ जण गंभीर जखमी झाले आहेत. जखमींना उपचारासाठी ससून रुग्णालयात दाखल करण्यात आलं आहे. त्यातील तिघांची प्रकृती चिंताजनक असून त्यांना अतिदक्षता विभागात हलवण्यात आलं आहे.
शुक्रवारी दुपारी १.४५ वाजता येथे अनेक वाहने सिग्‍नलला थांबली होती. यावेळी अचानक लोखंडी फ्लेक्स वाहनांवर कोसळला. त्यात रिक्षांचे मोठे नुकसान झाले आहेत. तसेच दोघे ठार तर ८ जण जखमी झाल्याचे वृत्त आहे.
दरम्यान, अपघातानंतर येथील वाहतूक पूर्णपणे विस्‍कळीत झाली आहे. वाहतूक उपायुक्‍त आणि स्‍थानिक पोलिसांनी घटनास्‍थळी धाव घेतली असून जखमींना रुग्णालयात दाखल करण्यात आले आहे.
