हॅलो महाराष्ट्र ऑनलाईन । पालघर येथे आज पहाटेच्या सुमारास भूकंपाचे धक्के जाणवले. 3.6 रिश्टर स्केलच्या भूकंपामुळे येथील परिसरात भीतीचे वातावरण पसरले आहे. पालघर जिल्ह्यातील डहाणू तलासरी तालुक्यात हे भूकंपाचे धक्के जाणवले असून भूकंपाच्या धक्क्यांमुळे या परिसरातील घरांना तडे गेले आहेत.
नॅशनल सेंटर फॉर सिस्मॉलॉजीने दिलेल्या माहितीनुसार, नाशिकच्या पश्चिमेला ८९ किमी अंतरावर आज पहाटे 4 वाजून 4 मिनिटांनी झालेल्या भूकंपामुळे डहाणू, कासा, आंबोली, धानिवरी, उर्से, धुंदलवाडी, घोलवड, तलासरी बोर्डी या परिसर हादरून गेला. पालघर जिल्ह्याच्या डहाणू तलासरी भागात मागील तीन वर्षांपासून लहान मोठ्या भूकंपाच्या हादऱ्यांचे सत्र सुरूच आहे.
An earthquake of magnitude 3.6 occurred 89km West of Nashik, Maharashtra at around 04:04am today. The depth of the earthquake was 5 km below the ground: National Center for Seismology pic.twitter.com/ULIdOrtiRN
— ANI (@ANI) November 22, 2022
पहाटेच्या सुमारास झालेल्या भूकंपामुळे सुदैवाने कोणत्या प्रकारची जीवित हानी झाली नाही. मात्र, भूकंपाच्या धक्क्यांमुळे या परिसरातील घरांना तडे गेले असून घरांचे मोठ्या प्रमाणावर नुकसान होत आहे.