सोलापूर | भरधाव आलेल्या मालट्रकने ओमनी कारला समोरुन जोराची धडक दिल्याने घडलेल्या भीषण अपघातामध्ये कार चालकासह तिघेजण जागीच ठार झाले. तर कारमधील लहान मुले, महिला, पुरुष असे 13 जण जखमी झाले. हा अपघात सांगोला – मिरज रोडवरील करांडेवाडी उड्डाणपुलाजवळील सर्विस रोडवर घडला.
ही घटना सोलापूरच्या सांगोला -मिरज रस्त्यावर घडली आहे. हा अपघात इतका भयंकर होता, की घटनेत चारचाकी ओमनीचा पूर्णपणे चक्काचूर झाली आहे. या भीषण अपघातात कारचालक दाजीराम लक्ष्मण शिंगाडे (वय- 42 रा.उदनवाडी ता.सांगोला), कावेरी मनोज हरीजन (वय- 7) रा.निरलगी ता.ताळेकोटी जि.विजापूर) व गुड्डी चंद्रकांत मगिरी (वय-8, रा.कोंडगोडी ता.जेवरगी जि.गुलबर्गा) या तिघांचा मृत्यू झाला आहे.
या अपघतात मनोज महादेव आप्पा हरीजन (वय-40),भारती मनोज हरीजन (वय-30 दोघेही रा.निरलगी ता.ताळेकोटी जि.विजापूर) , मानतेश मगिरी (वय-32) ,चंद्रकांत दुराण्णाप्पा मगिरी (वय-25), ताराबाई चंद्रकांत मगिरी (वय-30), अंबिका मानतेश मगिरी (वय-28), मुत्तूराम चंद्रकांत मगिरी (वय-2), चिन्नू चंद्रकांत मगिरी (वय-5), दिपा मानतेश दुराण्णाप्पा मगिरी (वय-16), लक्ष्मी चंद्रकांत मगिरी (वय-6), कृष्णात शिवाप्पा मगिरी (वय-30 सर्वजण रा.कोंडगोडी ता.जेवरगी जि.गुलबर्गा), शरणू हिरगप्पा मगिरी (वय-28) व परशू शरणाप्पा चलवादी (वय-28) अशी जखमींची नावे आहेत.