75% प्रौढांना मिळाली लस तर 25% लसीकरण पूर्ण, सणासुदीच्या दिवसांत सावधगिरी बाळगण्याचा सल्ला

नवी दिल्ली । कोरोनाच्या तिसऱ्या लाटेच्या भीती दरम्यान, देशात कोरोना लसीकरणाचे काम पूर्ण वेगाने सुरू आहे. केंद्र सरकारने सांगितले आहे की,”आतापर्यंत दोन तृतीयांश म्हणजेच देशातील 75 टक्के प्रौढ लोकसंख्येला लसीचा किमान एक डोस मिळाला आहे. त्याच वेळी, दोन्ही डोस 25 टक्के प्रौढांना दिले गेले आहेत, म्हणजेच त्यांचे लसीकरण पूर्ण झाले आहे. मात्र, फेस्टिव्ह सीझन पाहता पुन्हा एकदा केंद्राकडून इशारा देण्यात आला आहे. केंद्राने म्हटले आहे -“दुसरी लाट अजून संपलेली नाही. सणांच्या वेळी दक्षता ठेवावी लागेल.”

त्याचवेळी, नॅशनल कोविड टास्क फोर्सचे प्रमुख डॉ.व्ही.के.पॉल यांनी म्हटले आहे की,”अपंगत्व किंवा विशेष गरजा असलेल्या लोकांना घरीच लसीकरणाची सुविधा मिळेल. या दरम्यान सर्व कोविड प्रोटोकॉलचे पालन केले जाईल.”

ब्रिटनमध्ये कोविशील्डला मान्यता देण्याच्या मुद्द्यावर केंद्रीय आरोग्य सचिव राजेश भूषण यांनी म्हटले आहे कि,”परराष्ट्र मंत्रालयाने आधीच सांगितले आहे की, यूकेने 4 ऑक्टोबरपासून दिलेली व्यवस्था भेदभावपूर्ण आहे. आम्हाला आशा आहे की हे प्रकरण लवकरच सुटेल.”

कोविशील्डला यूकेमध्ये मान्यता मिळाली आहे
भारताच्या वाढत्या दबावानंतर, ब्रिटनने अखेर बुधवारी भारतात बनवलेली कोरोना लस कोविशील्डला मान्यता दिली. यूकेने आपला निर्णय बदलून नवीन ट्रॅव्हल ऍडव्हायझरी जारी केली आहे. भारताचे परराष्ट्र मंत्री एस जयशंकर यांनी ब्रिटनकडे कोविशील्डला मान्यता न देण्याचा मुद्दा उपस्थित केला होता. परराष्ट्र मंत्री म्हणाले होते की,”कोविडशील्ड लसीची ओळख न करणे हे भेदभाव करणारे धोरण आहे.”

CoWIN सर्टिफिकेट अद्याप मान्यता नाही
मात्र, भारतीय प्रवाशांसाठी यूके मधील प्रवासातील अडथळे अद्याप पूर्णपणे संपलेले नाहीत. यूकेमध्ये पोहोचल्यानंतर प्रवाशांना कोविडची टेस्ट द्यावी लागेल आणि क्वारंटाईनच्या नियमांचे पालन करावे लागेल. कारण आजपर्यंत देशाने CoWIN सर्टिफिकेटला मान्यता दिलेली नाही.

यासंदर्भात, भारतातील ब्रिटिश उच्चायुक्त, एलेक्स एलिस यांनी म्हटले आहे -“आम्ही CoWIN App आणि NHS App या दोन्ही निर्मात्यांशी सर्टिफिकेटच्या मुद्द्यावर सविस्तर बोलणी करत आहोत. दोन्ही देशांनी परस्परांनी दिलेली व्हॅक्सिन सर्टिफिकेट स्वीकारली पाहिजेत यासाठी खूप वेगाने प्रयत्न केले जात आहेत.

You might also like