सांगली प्रतिनिधी । प्रथमेश गोंधळे ।
सांगली मिरज आणि कुपवाड शहर महानगरपालिकेकडून प्रिकॉशन डोस ( बूस्टर) द्यायला सुरवात झाली आहे. मनपा आयुक्त नितीन कापडणीस यांच्या मार्गदर्शनाखाली आरोग्य यंत्रणेने योग्य नियोजन केले आहे.
सांगली महापालिकेच्या 10 आरोग्य केंद्रात प्रिकॉशन डोस देण्यास सुरुवात झाली आहे. यामध्ये ज्यांचा सेकंड डोस घेऊन 9 महिने पूर्ण झालेले आहेत अशा 60 वर्षावरील जेष्ठ नागरिकांना प्रिकॉशन डोस दिला जाणार आहे. तसेच सेकंड डोस घेऊन 9 महिने पूर्ण झालेल्या फ्रंटलाईन आणि हेल्थकेअर वर्करना सुद्धा तिसरा प्रिकॉशन डोस दिला जाणार आहे.
सांगली महापालिका क्षेत्रात 84 हजार लाभार्थ्यांना प्रिकॉशन डोस दिला जाणार असून महापालिका आरोग्य केंद्रात प्रोकॉशन डोस देणेचे काम सुरू झाले आहे. 60 वर्षावरील नागरिकांनी तसेच फ्रंटलाईन आणि हेल्थ केअर वर्कर यांनी आपला सेकंड डोस घेऊन 9 महिने पूर्ण झाले असल्यास हा डोस घ्यावा असे आवाहन महापालिका प्रशासनाकडून करण्यात आले आहे.
