मुंबई | अभिनेता अक्षय कुमार केवळ बॉलिवुड स्टारच नाही. ते अनेक चांगल्या कामांसाठी ही ओळखला जातो. देश जेव्हा संकटात असतो. तेव्हा अक्षय कुमार मदतीसाठी अगोदर धावून येतो. गेल्या महिन्यात करोना व्हायरसशी लढण्यासाठी अक्षयने पंतप्रधान स्वायत्ता निधीसाठी तब्बल २५ कोटी रुपयांची मदत केली होती. यानंतर कोरोनाशी लढण्यासाठी त्याने बीएमसीला ३ कोटी रुपये दिले होते. आता त्याने मुंबई पोलिसांसाठीही आपले मन मोठे केले आहे. तो मुंबई पोलिसांच्या मदतीला ही धावून आल्याच्या चर्चांना ही उधाण आलं आहे.
I salute @MumbaiPolice headconstables Chandrakant Pendurkar & Sandip Surve, who laid their lives fighting Corona. I have done my duty, I hope you will too. Let’s not forget we are safe and alive because of them 🙏🏻 https://t.co/mgJyxCdbOP pic.twitter.com/nDymEdeEtT
— Akshay Kumar (@akshaykumar) April 27, 2020
अक्षयने कोरोना व्हायरसमुळे मरण पावलेल्या हेड कॉन्स्टेबल चंद्रकांत पेंडूरकर व सुर्वे यांना श्रद्धांजली वाहिली. तसेच चाहत्यांना पोलीस फाउंडेशनला सहकार्य करण्याचं आवाहन केलं. अक्षयने एक ट्विट केल आहे. ट्वीटमध्ये त्याने लिहल आहे की, ‘मी मुंबई पोलिसांच्या हेड कॉन्स्टेबल चंद्रकांत पेंडूरकर आणि संदीप सुर्वे यांना नमन करतो, ज्यांनी करोनाशी लढताना आपले प्राण गमावले. मी माझं कर्तव्य केलं आणि अपेक्षा आहे तुम्हीही कराल. कारण आपल्याला हे विसरून चालणार नाही की याच लोकांमुळे आपण सुरक्षित आणि जीवंत आहोत. अस ट्विट अक्षय कुमार याने केल आहे.
मुंबई पोलीस आयुक्त परमबीर सिंग यांनी त्यांच्या अधिकृत ट्विटर अकाउंटवर ही माहिती दिली. सोमवारी त्यांनी ट्वीट करत म्हटले की, अक्षयने मुंबई पोलीस फाउंडेशनला २ कोटी रुपयांची मदत केली आहे. ‘मुंबई पोलीस फाउंडेशनमध्ये २ कोटी दिल्याबद्दल मुंबई पोलीस अक्षय कुमारची आभारी आहे. तुमची ही मदत मुंबई पोलिसमधील त्या महिला आणि पुरुषांच्या सुरक्षेला हातभार लावेल जे मुंबई पोलिसांच्या सुरक्षेसाठी कटीबद्ध आहेत. अस ट्विट पोलिस आयुक्त परमबीर सिंग यांनी केलं आहे.