हॅलो महाराष्ट्र ऑनलाईन । उत्तर प्रदेशात फेब्रुवारी-मार्चमध्ये विधानसभेच्या निवडणुका होणार असल्याची शक्यता लक्षात घेत सर्वच राजकीय पक्षांकडून जोरदार प्रचार केला जात आहे. या पार्श्वभूमीवर एआयएमआयएम प्रमुख तथा हैद्राबादचे खासदार असदुद्दीन ओवेसी यांनी पंतप्रधान नरेंद्र मोदी आणि गृहमंत्री अमित शाह यांच्यावर निशाणा साधला आहे. “मोदींचे तीन यार – नाटक, दंगल आणि अत्याचार” अशी टीका करीत ओवेसी यांनी हल्लाबोल केला आहे.
उत्तर प्रदेशातील सहारनपूर येथे एक जानेवारी रोजी एक जाहीर सभा पार पडली. यावेळी खासदार ओवेसी यांनी पंतप्रधान मोदींवर टीका केली ओवेसी यांनी टीका केलेला व्हिडिओही ट्विट केला आहे. पायामधे त्यांनी म्हंटले आहे की, मोदींचे तीन यार – नाटक, दंगल आणि अत्याचार हे आहेत. आता अमित शाहांना उत्तर द्यायचे आहे. आम्ही कोणाचे कर्ज बाकी ठेवत नाही. समाजवादी पार्टी आझमचे नाव नाही घेणार. मात्र, आम्ही अमित शाह आणि मुख्यमंत्री योगींना सांगू इच्छितो की, यूपीमध्ये योगी ‘राज’ आहे. त्याचा अर्थ जातीवाद असा होतो. अमित शाह तुमचं कर्ज फिटलं.”
मोदी के 3 यार….pic.twitter.com/uXeUxIaxGw
— Asaduddin Owaisi (@asadowaisi) January 2, 2022
उत्तर प्रदेशातील सहारनपूर येथे आयोजित जाहीर सभेत हरिद्वारच्या धर्मसंसदेतील द्वेषपूर्ण वक्तव्यांचा मुद्दाही ओवेसी यांनी उपस्थित केला यावेळी ते म्हणाले की, धर्मसंसद भाजपा आणि पंतप्रधान मोदींच्या आशीर्वादाने पार पडल्याचे सांगितले. देशात मुस्लिमांच्या हत्येची चर्चा होत असताना त्याविरोधात कोणी आवाज का उठवत नाही? असा सवालही ओवेसी यांनी उपस्थित केला.