औरंगाबाद – गहाळ झालेल्या माला बाबत ची तक्रार पोलीस घेत नाहीत असा आरोप करत सय्यद आतार हा व्यक्ती पोलीस आयुक्तालय समोर आज सकाळच्या सुमारास विषारी औषधी पिवून आत्महत्या करण्याच्या प्रयत्नांना असतानाच वेळीच पोलिसांनी त्याला रोखल्याने पुढील अनर्थ टळला.
सय्यद हे सायकलवर फिरून शहरात कॉस्मेटिक व इतर किरकोळ साहित्य विक्री करतात. त्यानी आणलेला माल हा दुकानात ठेवला असता तेथून तो गहाळ झाल्याचे सय्यद यांचे म्हणणे होते. त्या बाबत पोलिस तक्रार घेत नाहीत, शिवाय वरीष्ठ अधिकारी दखल घेत नसल्याने सय्यद यांनी आज हातात काही फलक व खिशात एक विषारी औषधाची बाटली आणली होती.
सकाळी ते पोलिस आयुक्त कार्यालय समोर आले. त्यावेळी त्यांना पोलिसांनी समजूत घालून तेथून घेऊन गेले. पोलिसांनी वेळीच त्यांना रोखल्याने पुढील अनर्थ टळला.