BCCI ने भारतीय संघाच्या मुख्य प्रशिक्षकासह 5 पदांसाठी मागवले अर्ज
नवी दिल्ली । भारतीय क्रिकेट नियामक मंडळाने (BCCI) टीम इंडियाच्या मुख्य प्रशिक्षकासह 5 पदांसाठी अर्ज मागवले आहेत. BCCI ने वरिष्ठ पुरुष संघासाठी मुख्य प्रशिक्षक, फलंदाजी प्रशिक्षक, गोलंदाजी प्रशिक्षक, क्षेत्ररक्षण प्रशिक्षक आणि राष्ट्रीय क्रिकेट अकादमीसाठी हेड स्‍पोर्ट्स सायन्स किंवा मेडिसिन या पदांसाठी अर्ज मागवले आहेत. मुख्य प्रशिक्षक पदासाठी अर्ज करण्याची शेवटची तारीख 26 ऑक्टोबर संध्याकाळी 5 वाजेपर्यंत आहे. उर्वरित पदांसाठी अर्ज करण्याची शेवटची तारीख 3 नोव्हेंबर आहे.
टीम इंडियाचे मुख्य प्रशिक्षक रवी शास्त्री टी -20 विश्वचषकानंतर आपले पद सोडतील. त्याचवेळी अशी बातमी आली होती की, शास्त्रींच्या जाण्यानंतर भारताचा माजी कर्णधार राहुल द्रविड ही जबाबदारी स्वीकारेल. मीडिया रिपोर्टनुसार, राहुल द्रविडने प्रशिक्षक होण्यास संमती दिली आहे. द्रविडचा करार पहिले 2023 पर्यंत असेल.
द्रविडने मुख्य प्रशिक्षक होण्याचे मान्य केले आहे
रिपोर्ट्स नुसार, द्रविडने टीम इंडियाचा प्रशिक्षक होण्यास सहमती दर्शवली आहे. खरं तर, BCCI अध्यक्ष सौरव गांगुली आणि सचिव जय शाह यांनी द्रविडला भेटून त्याला भारतीय संघाचा मुख्य प्रशिक्षक बनण्याची विनंती केली होती आणि त्याने ती मान्य केली आहे.
मीडिया रिपोर्ट्स नुसार, टी 20 विश्वचषकानंतर द्रविड टीम इंडियामध्ये मुख्य प्रशिक्षक म्हणून सामील होईल. म्हणजेच, मुख्यतः प्रशिक्षक म्हणून द्रविडचे पहिले मिशन न्यूझीलंडविरुद्ध घरची वनडे मालिका असेल. द्रविडला मुख्य प्रशिक्षक बनवण्याव्यतिरिक्त, त्याचा विश्वासू पारस म्हांब्रे हा टीम इंडियाचा गोलंदाजी प्रशिक्षक बनू शकतो.
