Monday, February 6, 2023

Mrs Bectors Food IPO:Mrs Bectors Food IPO: दुसर्‍या दिवसापर्यंत मिळाल्या 11 पट जास्त बिड, उद्या बंद होणार IPO

- Advertisement -

नवी दिल्ली । बर्गर किंगला कच्चा माल पुरवणाऱ्या मिसेज बेकर्स फूड स्पेशलिटीचा आयपीओ (Mrs Bectors Food Specialties IPO) किरकोळ गुंतवणूकदारांसाठी (Retail Investors) उघडण्याच्या दुसर्‍या दिवशी म्हणजेच 16 डिसेंबर 2020 रोजी हॉटकेक बनून राहिला. दुसर्‍या दिवशी कंपनीच्या आयपीओला 11.40 वेळा बिड मिळाली. या आयपीओ अंतर्गत 1,32,36,211 शेअर्सची ऑफर देण्यात आली आहे. मिसेज बेकर्स च्या आयपीओला चांगला प्रतिसाद मिळाला आणि मंगळवारी अर्ज उघडल्यानंतरच त्याला फुल सब्‍सक्राइब केले गेले. मंगळवारी दिवसअखेरीस याचे सब्‍सक्रिप्‍शन 3.72 पट झाले होते.

15 कोटीहून अधिक शेअर्ससाठी बिड मिळाल्या आहेत
बर्गर किंग इंडिया नंतरचा हा दुसरा आयपीओ आहे, ज्याला उघडल्यानंतरच्या काही तासांतच फुल सब्‍सक्रिप्‍शन मिळाले. मिसेज बेकर्स फूडच्या आयपीओ अंतर्गत 15,09,10,500 शेअर्ससाठी निविदा प्राप्त झाल्या. पात्र संस्थांच्या खरेदीदारांच्या (QIP) श्रेणीमध्ये 4.67 वेळा, बिगर संस्थात्मक गुंतवणूकदारांकडून 8.67वेळा आणि किरकोळ गुंतवणूकदारांच्या बाबतीत 16.36 वेळा बिड प्राप्त झाल्या. मिसेज बेकर्सच्या आयपीओसाठी प्राइस बँड प्रति शेअर 286-288 रुपये ठेवण्यात आला आहे. 14 डिसेंबर रोजी कंपनीने अँकर गुंतवणूकदारांकडून 162 कोटी रुपये जमा केले गेले.

- Advertisement -

500 कोटीची विक्री ऑफर देखील समाविष्ट आहे
मिसेज बेकर्सच्या आयपीओ अंतर्गत 40.54 कोटी रुपयांची पब्लिक ऑफर तर 500 ​​कोटी रुपयांची विक्री ऑफर (OFS) समाविष्ट आहे. हा आयपीओ 17 डिसेंबर रोजी बंद होईल. कंपनीने एसबीआय कॅपिटल मार्केट्स (SBI Capital Markets), आयसीआयसीआय सिक्युरिटीज (ICICI Securities) आणि आयसीएफएल सिक्युरिटीज (IIFL Securities) ला आयपीओसाठी लीड मॅनेजर म्हणून नियुक्त केले आहेत. हे बॉम्बे स्टॉक एक्सचेंज (BSE) आणि नॅशनल स्टॉक एक्सचेंज (NSE) वर लिस्ट केले जाईल.

https://t.co/CWqDNTkWlx?amp=1

कर्मचार्‍यांसाठी 50 लाख शेअर्स रिझर्व्ह आहेत
मिसेज बेकर्समधील बरेच भागधारक या आयपीओद्वारे आपला हिस्सा विकतील. कर्मचार्‍यांसाठी यामध्ये 15 रुपयांची सूट ठेवण्यात आली आहे. कंपनीने कर्मचार्‍यांसाठी 50 लाख शेअर्स आरक्षित केले आहेत. गुंतवणूकदार किमान 50 शेअर्ससाठी अर्ज करु शकतात. आयपीओअंतर्गत 50% शेअर्स पात्र संस्थागत खरेदीदार (QIB) साठी आरक्षित आहेत तर 35 टक्के समभाग किरकोळ गुंतवणूकदारांसाठी रिझर्व्ह आहेत.

https://t.co/iAJRHXTHsV?amp=1

या कंपन्या आयपीओच्या माध्यमातून भागभांडवलही विकतील
आयपीओमध्ये Linus Private Limited विक्री ऑफरद्वारे 245 कोटींच्या इक्विटी शेअर्सची विक्री करेल. त्याचबरोबर, Mabel Private Limited 38.5 कोटी रुपये, GW Crown PTE Ltd 186 कोटी आणि GW Confectionary PTE Ltd एकूण 30.5 कोटी रुपयांचे शेअर्स विकतील. या आयपीओमध्ये कंपनीचे प्रोमोटर्स कोणतेही शेअर्स विकत नाहीत. यासह कंपनीतील प्रोमोटर्सचा हिस्सा 51 टक्क्यांहून अधिक राहील. कंपनीचे एमडी अनूप बेक्टर म्हणाले की, कंपनीत आमची 52 टक्के भागीदारी आहे. आम्ही कोणतीही इक्विटी विकणार नाही.

https://t.co/T02mxuOFTD?amp=1

 

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.