नवी दिल्ली । एम्प्लॉइज प्रॉव्हिडंट फंड ऑर्गनायझेशन (EPFO) ने सेंटर फॉर डेव्हलपमेंट ऑफ एडव्हान्स्ड कॉम्प्युटिंग (C-DAC) द्वारे सेंट्रलाइज्ड IT-सक्षम सिस्टीम विकसित करण्यास मान्यता दिली आहे. या निर्णयामुळे नोकरी बदलल्यानंतरही कर्मचार्‍यांचा PF अकाउंट नंबर तोच राहणार आहे. EPFO च्या या निर्णयानंतर आता PF अकाउंट होल्डर्सना अकाउंट ट्रान्सफरची चिंता राहणार नाही.
EPFO च्या नव्या निर्णयानुसार, जर एखाद्या कर्मचाऱ्याने नोकरी बदलली किंवा एक कंपनी सोडून दुसरी कंपनी जॉइन केली तर PF अकाउंट ट्रान्सफर करताना कोणताही त्रास होणार नाही. हे काम ऑटोमॅटिकपणे केले जाईल. सेंट्रलाइज्ड सिस्टिमच्या मदतीने कर्मचाऱ्यांचे अकाउंट एकत्र केले जाईल. सेंट्रलाइज्ड सिस्टीम PF अकाउंट होल्डर्सची विविध अकाउंट्स एकत्र करून एक अकाउंट तयार करेल.
सध्या असा नियम आहे की जेव्हा एखादा कर्मचारी एक कंपनी सोडून दुसऱ्या कंपनीत जातो तेव्हा तो एकतर PF चे पैसे काढतो किंवा दुसऱ्या कंपनीत ट्रान्सफर करतो. अकाउंट ट्रान्सफर करण्याचे काम कर्मचाऱ्याला स्वतः करावे लागते.
कर्मचारी भविष्य निर्वाह निधी संघटनेच्या (EPFO) सेंट्रल बोर्ड ऑफ ट्रस्टीजच्या शनिवारी झालेल्या बैठकीत अनेक महत्त्वाचे निर्णय घेण्यात आले. EPFO च्या केंद्रीय मंडळाने बैठकीत निर्णय घेतला की,” EPFO च्या वार्षिक ठेवीपैकी 5 टक्के रक्कम इन्फ्रास्ट्रक्चर इन्व्हेस्टमेंट ट्रस्ट इनव्हिटसह पर्यायी गुंतवणुकीत गुंतवली जाईल.”
इन्फ्रास्ट्रक्चर इन्व्हेस्टमेंट ट्रस्ट (InvITs) मध्ये गुंतवणूक
सध्या, EPFO त्याच्या वार्षिक ठेवींचा काही भाग बाँड, सरकारी सिक्युरिटीज आणि एक्सचेंज ट्रेडेड फंड (ETFs) मध्ये गुंतवते. या गुंतवणुकीवर मिळालेल्या परताव्याच्या आधारे PF खातेधारकांच्या PF वरील व्याज ठरवले जाते. आता InvITs मध्ये गुंतवणूक करण्याचा नवीन पर्याय सापडला आहे. InvITs च्या स्वरूपात जास्त रिटर्न अपेक्षित आहे. जितका जास्त रिटर्न तितका जास्त व्याज EPFO आपल्या खातेदारांना देईल.
अल्टरनेटिव्ह इन्व्हेस्टमेंट फंड्समध्ये म्युच्युअल फंडांसारखेच InvITs फंड समाविष्ट असतात. InvITs फंड पूर्णपणे सरकारी मालकीचा आहे आणि SEBI द्वारे नियंत्रित केला जातो. EPFO च्या या निर्णयामुळे सुमारे 6 कोटी खातेदारांना जास्त रिटर्नचा लाभ मिळू शकतो.