हॅलो महाराष्ट्र ऑनलाईन : राज्यात 2018 आणि 2017 मध्ये महाराष्ट्र लोकसेवा आयोगामार्फत घेण्यात आलेल्या पोलिस उपनिरीक्षक सरळ सेवा परीक्षा आणि पोलिस उपनिरीक्षक मर्यादित विभागीय परीक्षा मध्ये एकूण पात्र 737 उमेदवारांना गृहमंत्री दिलीप वळसे-पाटील यांनी मोठा दिलासा दिला आहे. त्यांना आता जून २०२१ मध्ये प्रशिक्षण देण्यात येणार आहे. याबाबतची माहिती स्वतः गृहमंत्री दिलीप वळसे पाटील यांनी ट्विट करून दिली आहे.
महाराष्ट्र लोकसेवा आयोगामार्फत घेण्यात आलेल्या पोलीस उपनिरीक्षक सरळसेवा परीक्षा – २०१८ आणि खात्यांतर्गत पोलीस उपनिरीक्षक मर्यादित विभागीय परीक्षा – २०१७ मधील एकूण पात्र ७३७ उमेदवारांना जून २०२१ पासून मूलभूत प्रशिक्षणासाठी पाठविण्याचा निर्णय गृहमंत्र्यांनी जाहीर केला.
— HMO Maharashtra (@maharashtra_hmo) May 12, 2021
याबाबत मिळालेली अधिक माहिती अशी की, महाराष्ट्र लोकसेवा आयोगामार्फत घेण्यात आलेल्या पोलीस उपनिरीक्षक सरळसेवा परीक्षा – २०१८ आणि खात्यांतर्गत पोलीस उपनिरीक्षक मर्यादित विभागीय परीक्षा – २०१७ मधील एकूण पात्र ७३७ उमेदवारांना जून २०२१ पासून मूलभूत प्रशिक्षणासाठी पाठविण्याचा निर्णय गृहमंत्र्यांनी जाहीर केला.सदरचे प्रशिक्षण हे कोरोना परिस्थितीच्या अधिन राहून तसेच राज्य शासनामार्फत देण्यात येणाऱ्या कोरोना मार्गदर्शक तत्त्वांच्या अधिन राहून सुरु करण्यात येईल, असे गृहमंत्री दिलीप वळसे पाटील यांनी स्पष्ट केले आहे.