हॅलो महाराष्ट्र ऑनलाईन । काँग्रेस अध्यक्षपदाच्या शैर्यतीत असलेले जेष्ठ नेते मल्लिकार्जुन खर्गे यांच्या एका विधानाने विरोधकांना मात्र टीका करण्यासाठी आयते कोलीत मिळालं आहे. २०२४ साली पंतप्रधान पदासाठी तुमचा चेहरा कोण असा सवाल त्यांना केला असता आपल्याकडे एक म्हण आहे बकरीद मे बचेंगे तो मोहर्रम मे नाचेंगे असं उत्तर त्यांनी दिल्याने भाजपने त्यांच्यावर टीका करण्यास सुरुवात केली आहे.
#WATCH हमारे यहां एक कहावत है कि बकरीद में बचेंगे तो मोहर्रम में नाचेंगे। पहले मेरा चुनाव तो खत्म होने दो..मुझे अध्यक्ष तो बनने दो उसके बाद देखेंगे: कांग्रेस से पीएम फेस के सवाल पर कांग्रेस अध्यक्ष पद के उम्मीदवार मल्लिकार्जुन खड़गे, भोपाल, मध्य प्रदेश pic.twitter.com/7bPRJFxwvk
— ANI_HindiNews (@AHindinews) October 12, 2022
नेमकं काय झालं ?
काँग्रेस अध्यक्षपदासाठी मुख्य दावेदार असलेले मल्लिकार्जुन खर्गे यांनी भोपाळ येथे जाऊन पक्षाचे वरिष्ठ नेते आणि निवडून आलेल्या प्रदेश काँग्रेस प्रतिनिधींशी चर्चा केली. तसेच अध्यपदासाठी पाठिंबाही मागितला. त्यानंतर प्रसारमाध्यमांशी संवाद साधताना त्यांना २०२४ साली पंतप्रधान पदासाठी तुमचा चेहरा कोण असा सवाल करण्यात आला. यावर उत्तर देताना खर्गे म्हणाले, मी सध्या तरी निवडणूक प्रचारासाठी आलोय. आपल्याकडे एक म्हण आहे. बकरीद मे बचेंगे तो मोहर्रम मे नाचेंगे… आधी निवडणूक तरी होऊ द्या…
Congress’ first family chosen proxy president nominee was asked who will be the PM candidate of Congress in 2024
His reply, "बकरी ईद मे बचेंगे तो मोहर्रम मे नाचेंगे ।"
Firstly Muharram is not a celebration but a mourning! This is highly insulting to Muslims
Secondly- pic.twitter.com/I8cSY8aqXO
— Shehzad Jai Hind (@Shehzad_Ind) October 12, 2022
भाजप नेत्यांचा आक्षेप –
खरगे यांच्या या विधानानंतर भाजपने त्यांच्यावर निशाणा साधला आहे. भाजपचे राष्ट्रीय प्रवक्ते शहजाद पूनावाला यांनी मल्लिकार्जुन खरगे यांच्या विधानावर नाराजी व्यक्त केली आहे. मोहरम हे सेलिब्रेशन नसून शोक आहे. हा मुस्लिमांचा मोठा अपमान आहे असं त्यांनी म्हंटल. भाजपच्या आयसेलचे प्रमुख अमित मालवीय यांनीही खर्गे यांच्या विधानाचा समाचार घेतला आहे. म्हणाले, हे वक्तव्य खूपच असंवेदनशील आहे. २०२४ पर्यंत काँग्रेसला अस्तित्व टिकवणंच कठीण झालं आहे अशी टीका त्यांनी केली.