मुंबई | मास्टर बॉस्टर सचिन तेंडुलकर यांची मुलगी सारा तेंडुलकर बॉलिवूडमध्ये येण्याच्या चर्चेला उधाण आले आहे. काही दिवसांपासून सारा तेंडुलकरचे फोटो सोशल मीडियावर मोठया प्रमाणात व्हायरल होत आहेत.
बॉलीवूड मध्ये साराची एन्ट्री होताच जानवी कपूर आणि आलीया भट यांना प्रतिस्पर्धी निर्माण होईल असे बोलले जात आहे. बॉलिवूड मधील सिनेतारकांसोबत साराचे फोटो व्हायरल होत आहेत. यावरून हा अंदाज लावला जातो आहे की आगामी काळात सारा बॉलिवूडमध्ये झळकू शकते.
मागील वर्षी साराने एक चित्रपट साइन केल्याची आणि त्या चित्रपटाचा शाहिद कपूर हिरो असल्याची बातमी झळकली होती. त्यावर सचिन तेंडुलकर यांनी स्पष्टीकरण दिले होते आणि ही अफवा असल्याचे सांगितले होते. तसेच साराला एका व्यक्तीने फोन करून लग्नाची मागणी घातली होती आणि नकार दिल्यास जीवे मारण्याची धमकी दिली होती. त्याव्यक्तीला पोलिसांनी अटक केली होती.
मुकेश अंबानींचा मुलगा आकाश याच्या सारखरपुड्यात सारा आई वडिलांच्या सोबत आली होती तेव्हा या चर्चेला आणखीच उधाण आले होते. परंतु सारा तेंडुलकर बॉलिवूड मध्ये येणार या बाबतीत साराकडून कोणतेही स्पष्टीकरण अद्याप देण्यात आलेले नाही.
