हॅलो महाराष्ट्र ऑनलाइन | मराठा आरक्षणाच्या मुद्द्यावरून राजकीय नेत्यांकडून एकमेकांवर आरोप प्रत्यारोप होत असताना शरद पवारांमुळेच मराठा समाजाला आरक्षण मिळाले नाही असा आरोप भाजप आमदार गोपीचंद पडळकर यांनी केला होता. दरम्यान भाजप प्रदेशाध्यक्ष चंद्रकांत पाटील यांनी पडळकरांच्या विधानाचे समर्थन करत शरद पवारांवरच जोरदार टीका केली.
चंद्रकांत पाटील म्हणाले, पडळकरांच म्हणन बरोबरच आहे. शरद पवार हे सगळ्याचे गॉडफादर आहेत. ठाकरे सरकारचे ते मार्गदर्शक आहेत.स्वतःच्या पक्षावर आणि महाविकास आघाडीवर त्यांचा कंट्रोल आहे, मग तरी आरक्षण का मिळाले नाही? म्हणून त्यांच्याकडे दोष जातो,”
पाटील पुढे म्हणाले, ”सुप्रीम कोर्टाचा मराठा आरक्षणाचा निकाल मी मराठीत करून घेतला तेव्हा, पानापानावर जाणवतंय की किती दिरंगाई, बेफिकिरी आहेत. तेच ओबीसी आरक्षणाच्या बाबतीत झालंय. देवेंद्र फडणवीस यांनी ऑर्डीनन्स काढून ओबीसींचे राजकीय आरक्षण तात्पुरते टिकवले नंतर सरकार गेलं. ऑर्डीनन्सचा कायदा तुम्ही करायला हवा ना? हा दोष कोणाचा? ”असा सवालही चंद्रकांत पाटील यांनी यावेळी बोलताना उपस्थित केला.
ब्रेकिंग बातम्या सर्वांत अगोदर मोबाईलवर मिळवण्यासाठी आमचा 9028429273 हा नंबर तुमच्याकडील WhatsApp ग्रुपला Add करा.