पुणे । पिंपरी-चिंचवड शहरात कोरोना विषाणूचा फैलाव वाढला असून कोरोनाने आता पोलीस कोठडीतील आरोपीपर्यंत मजल मारली आहे. पिंपरी-चिंचवड पोलीस आयुक्तालयातील पोलीस ठाण्यात आरोपीला कोरोनाची बाधा झाल्याचं धक्कादायक वृत्त समोर आलं आहे. ही माहिती समोर येताच या आरोपीच्या संपर्कात आलेल्या सर्व पोलीस कर्मचारी व अधिकारी यांना रुग्णालयात नेण्यात आलं होत अशी माहिती देखील सूत्रांनी दिली आहे.
मिळालेल्या माहितीनुसार, पिंपरी-चिंचवड पोलीस आयुक्तालयातील पोलीस ठाण्यात बलात्कार प्रकरणी २५ वर्षीय आरोपीला पोलिसांनी बेड्या ठोकल्या होत्या. या आरोपीला न्यायालयात हजर केलं असता त्याला न्यायलायने १० दिवसांची पोलीस कोठडी सुनावली होती. त्यानंतर त्याला शहरा बाहेरच्या कारागृहात पाठवून देण्यात आलं. मात्र, हा आरोपी आता कोरोनाबाधित असल्याचं आता समोर आलं आहे. दरम्यान, सदर आरोपी पिंपरी-चिंचवड पोलीस आयुक्तालयात बाधित झाला नसल्याचं सूत्रांच म्हणणं असून कारागृहात गेल्यानंतर त्याचा अहवाल पॉझिटिव्ह आला आहे असं त्यांनी स्पष्ट केल आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”