हॅलो महाराष्ट्र ऑनलाईन । कोणताही खेळ वादाशिवाय अपूर्ण आहे.क्रिकेटच्या क्षेत्रातही बर्‍याचदा वादांची मालिका चालूच असते.२१ वर्षांपूर्वी जेव्हा आयसीसी क्रिकेट विश्वचषक इंग्लंडच्या भूमीवर खेळला जात होता आणि भारत-दक्षिण आफ्रिका संघ आमनेसामने होते तेव्हा या सामन्यातही असेच काहीतरी घडले होते, ज्याने कोट्यावधी चाहतेच नव्हे तर सर्व खेळाडू आणि संघांच्या पायाखालची जमीन सरकवली. हे काम त्या काळातल्या सर्वोत्कृष्ट कर्णधारांपैकी एक असलेल्या हॅन्सी क्रोन्जेशिवाय इतर कोणी केले नव्हते.त्या दिवशी या कर्णधाराने असे काय केले ?.
असे म्हणतात की यशस्वी होण्यासाठी आपल्याला प्रयोग करणे आवश्यक आहे. आपल्याला केवळ प्रयोगांद्वारेच यश मिळते.१९९९ च्या क्रिकेट विश्वचषकात दक्षिण आफ्रिकेच्या संघानेही असेच काहीसे केले. त्यावेळी दक्षिण आफ्रिकेचे प्रशिक्षक बॉब वूल्मर होते आणि हॅन्सी क्रोन्जे संघाचे नेतृत्व करत होता.या संघाने भारत विरुद्ध १९९९च्या विश्वचषकातील पहिला लीग सामना खेळला होता. बॉब वूल्मरने या सामन्याआधी एक योजना तयार केली होती,जी त्यांनी फ्रान्समधील १९९८ च्या फुटबॉल विश्वचषक विजयातून प्रेरित होती.वूल्मरची कल्पना होती की तो आपल्या संघातील खेळाडूंना एक यंत्र देणार होता, जेणेकरून सामन्यादरम्यान तो त्यांच्याशी संवाद साधू शकेल.यासह, तो सामन्यादरम्यान आपल्या संघाला काही महत्त्वपूर्ण माहिती देऊ शकेल,ज्यामुळे त्यांना जिंकण्यास मदत होईल.
हॅन्सी क्रोन्जे आणि वेगवान गोलंदाज अ‍ॅलन डोनाल्ड या संघातील दोन खेळाडूंनी यासाठी सहमती दर्शविली.१५ मे १९९९ रोजी दक्षिण आफ्रिका आणि भारत यांच्यात टक्कर झाली आणि टॉस भारतीय कर्णधार अझरुद्दीनने जिंकला आणि अझरुद्दीनने प्रथम फलंदाजी करण्याचा निर्णय घेतला आणि सचिन-गांगुली फलंदाजीला आले. प्रशिक्षक बॉब वूल्मरच्या रणनीतीनुसार दक्षिण आफ्रिकेचा कर्णधार हॅन्सी क्रोन्जे आणि वेगवान गोलंदाज अ‍ॅलन डोनाल्डने निर्भयपणे कानात इअरपीस घालून मैदानात प्रवेश केला.
हा सौरव गांगुलीचा पहिला विश्वचषक सामना होता, त्यामुळे त्याचे फलंदाजीकडे लक्ष होते. मात्र, यावेळी दक्षिण आफ्रिकेचा कर्णधार क्रोन्जेला पाहून त्याला थोडेसे विचित्र वाटले.त्याने पाहिले की क्रोन्जे स्वतःशीच बडबड करत आहे.मग अचानक सौरव गांगुलीला संशय आला की क्रॉन्जे स्वत:शी नसून दुसर्‍याशी बोलत असेल. ड्रिंक ब्रेक होण्यापूर्वी गांगुलीने पंच डेव्हिड शेपर्ड आणि स्टीव्ह बकनर यांच्याकडे याबद्दल तक्रार केली. जेव्हा दोन्ही पंचांनी क्रोन्जेला बोलावले तेव्हा प्रत्येक हादरून गेला.
हॅन्सी क्रोन्जेने कानात इअरफोन घातले होते. यासंदर्भात क्रोन्जे यांना विचारले असता तो म्हणाला की, तो आपल्या प्रशिक्षकाकडून दिशा-निर्देश घेत आहे. त्यावेळी क्रिकेटमध्ये असा कोणताही नियम नव्हता की कोणताही कर्णधार आपल्या कोचशी मैदानावरून इयरफोनच्या माध्यमातून संवाद साधू शकत नाही. जर पंचांना समजले नाही म्हणून त्यांनी मॅच रेफरी तलात अली यांना या विषयावर निर्णय जाहीर करण्यास सांगितले.
मॅच रेफरी तलत अली यांनी आयसीसी मुख्यालयात फोन लावला आणि त्यानंतर हॅन्सी क्रोन्जे आणि अ‍ॅलन डोनाल्ड यांना त्यांच्या कानातून इअरफोन त्वरित काढून टाकण्याच्या सूचना देण्यात आल्या. हा सामना दक्षिण आफ्रिकेने ४ विकेट्सने जिंकला होता, पण सामना संपल्यानंतर माध्यमांत खळबळ एकच उडाली. वास्तविक हंसी क्रोन्जे त्यावेळी एक महान कर्णधार मानला जात होता आणि त्याच्या या निर्णयाने सर्वांनाच आश्चर्य वाटले. माध्यमांमध्ये त्यांच्यावर मोठ्या प्रमाणात टीकाही झाली. दक्षिण आफ्रिकेचे प्रशिक्षक यांनाही माध्यमांकडे माफी मागावी लागली. या विश्वचषकातील वाद असूनही दक्षिण आफ्रिकेने उत्कृष्ट क्रिकेट खेळले पण उपांत्य फेरीत ऑस्ट्रेलियाने त्यांचा एका धावेने पराभव केला आणि विजेतेपद जिंकण्याचे त्यांचे स्वप्न भंगले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.