Thursday, February 2, 2023

FASTag द्वारे डेली टोल कलेक्शन कोरोनाच्या दुसर्‍या लाटेपूर्वी पातळीवर पोहोचले, जूनचा डेटा जाणून घ्या

- Advertisement -

नवी दिल्ली । बहुतेक राज्यांमध्ये लॉकडाऊनमध्ये विश्रांती दिल्यामुळे राष्ट्रीय महामार्गावरील वाहतुक आता वाढू लागली आहे. यावरून देखील याचा अंदाज केला जाऊ शकतो की, FASTag च्या माध्यमातून टोल कलेक्शन कोविड साथीच्या दुसर्‍या लाटेपूर्वी नोंदवलेल्या पातळीवर पोहोचले आहे. राष्ट्रीय महामार्ग प्राधिकरण अर्थात देशभरातील राष्ट्रीय महामार्गाचे व्यवस्थापन पाहणारे NHAI म्हणते की,”1 जुलै 2021 रोजी 63.09 लाखांच्या व्यवहारासह देशभरातील FASTag मार्फतची टोल वसुली 103.54 कोटी रुपये झाली.”

FASTag द्वारे इलेक्ट्रॉनिक टोल कलेक्शन देशभरातील 780 टोल प्लाझामध्ये कार्यरत आहे. जून 2021 मध्ये टोल कलेक्शन 2,576.28 कोटी रुपयांवर गेले, जे सुमारे 21 टक्क्यांनी वाढली आहे तर मे 2021 मध्ये ते 2,125.16 कोटी रुपये होते. सुमारे 3.48 कोटी युझर्ससह, फास्टॅग प्रवेश संपूर्ण देशभरात सुमारे 96 टक्के आहे आणि अनेक टोल प्लाझामध्ये 99 टक्के आहे.

- Advertisement -

एका अंदाजानुसार, FASTag मुळे इंधनावर वर्षाकाठी सुमारे 20,000 कोटी रुपयांची बचत होईल, यामुळे मौल्यवान परकीय चलनाची बचत होईल आणि पर्यावरणाला मदत होईल. महामार्ग युझर्सद्वारे FASTag चा अवलंब केल्याने, एनएच फी प्लाझामध्ये वेटिंग टाईम लक्षणीयरीत्या खाली आला आहे.

पुढील वर्षापर्यंत GPS आधारित टोल कलेक्शन राबविण्यात येईल
महत्त्वाचे म्हणजे 18 मार्च रोजी देशात FASTag अनिवार्य झाल्यानंतर सुमारे महिनाभरानंतर रस्ते वाहतूक आणि महामार्ग मंत्री नितीन गडकरी यांनी संसदेत घोषणा केली की,” भारतातील सर्व टोल बूथ एका वर्षाच्या आत काढून टाकण्यात येतील आणि त्याऐवजी नवीन GPS बेस्ड टोल कलेक्शन मध्ये पूर्णपणे बदलले जाईल.

राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा

Click Here to Join Our WhatsApp Group