हॅलो महाराष्ट्र ऑनलाईन । अतिवृष्टीमुळे कोकण तसेच पश्चिम महाराष्ट्रात मोठ्या प्रमाणात पुरग्रस्तांचे नुकसान झाले आहे. या झालेल्या नुकसानीसाठी काल राज्य सरकारने 11 हजार 500 कोटींची पॅकेजची मदत जाहीर केली. त्यापैकी तातडीच्या मदतीसाठी दीड हजार कोटी, पुनर्बाधणीसाठी तीन हजार कोटी, तर बाधित क्षेत्रात दीर्घकालीन उपायांसाठी सात हजार कोटींची तरतूद केली आहे. यावरून आज भाजपचे विरोधी पक्षनेते देवेंद्र फडणवीस यांनी या पॅकेजवरून राज्य सरकारवर टीका केली आहे.
देवेंद्र फडणवीस यांनी ट्विट करीत म्हंटल आहे कि, कोल्हापूर, सांगली, सातारा आणि कोकणासह राज्यातील पूरग्रस्त जिल्ह्यांसाठी राज्य सरकारने 11,500 कोटी रुपयांची मदत जाहीर केली असली तरी याचे विश्लेषण पाहता केवळ 1500 कोटी रूपयांचीच तातडीची मदत केलेली दिसून येते.
कोल्हापूर, सांगली, सातारा आणि कोकणासह राज्यातील पूरग्रस्त जिल्ह्यांसाठी राज्य सरकारने 11,500 कोटी रुपयांची मदत जाहीर केली असली तरी याचे विश्लेषण पाहता केवळ 1500 कोटी रूपयांचीच तातडीची मदत केलेली दिसून येते. #MaharashtraFloods #FloodRelief pic.twitter.com/nIzIOTWsQz
— Devendra Fadnavis (@Dev_Fadnavis) August 4, 2021
राज्य सरकारने जारी केलेल्या प्रसिद्धी पत्रकाचे अवलोकन केले असता शेतीपिकांचे नुकसान, अन्नधान्य पुरवठा, स्वच्छता अनुदान, घरांसाठी वाळू-मुरूमची उपलब्धता अशा 2019 मध्ये देण्यात आलेल्या अनेक मदतींचा त्यात उल्लेख दिसून येत नाही.
या मदतीबाबतचा विस्तृत शासन आदेश जारी झाल्यानंतरच याबाबतची स्पष्टता आल्यानंतरच सविस्तर प्रतिक्रिया देता येईल. प्रथमदर्शनी तरी शेतकर्‍यांसारख्या महत्त्वाच्या घटकाला कुठलीही मदत केलेली दिसून येत नाही.#MaharashtraFloods
— Devendra Fadnavis (@Dev_Fadnavis) August 4, 2021
राज्य सरकारकडून करण्यात आलेल्या या मदतीबाबतचा विस्तृत शासन आदेश जारी झाल्यानंतरच याबाबतची स्पष्टता आल्यानंतरच सविस्तर प्रतिक्रिया देता येईल. प्रथमदर्शनी तरी शेतकर्‍यांसारख्या महत्त्वाच्या घटकाला कुठलीही मदत केलेली दिसून येत नसल्याचे फडणवीस यांनी म्हंटले आहे.