सातारा प्रतिनिधी । शुभम बोडके
शरद पवार यांच्या राजीनाम्यानंतर सुरु झालेल्या संपूर्ण घडामोडींवर केंद्रीय गृहराज्यमंत्री अजयकुमार मिश्रा यांनी जोरदार निशाणा साधला आहे. राष्ट्रवादी काँग्रेसमधील नाट्य हे स्क्रिप्टेड होत अशी टीका त्यांनी केली आहे. अजयकुमार मिश्रा हे सध्या सातारा दौऱ्यावर असून यावेळी आयोजित यावेळी पत्रकार परिषदेत राष्ट्रवादी काँग्रेस मध्ये सुरु असलेल्या घडामोडींवरून निशाणा साधला आहे.
अजयकुमार मिश्रा म्हणाले, सातारा जिल्हा हा कधीकाळी NCP चा गड राहिला होतो मात्र आता नाही. आता सातारा हा भाजपचा गड झाला आहे. आणि भाजप मजबुतीने आम्ही काम करत आहोत. राष्ट्रवादी कांग्रेस स्वत:च्याच भांडणात अडकून पडली आहे. त्यांना स्क्रीप्ट नुसार नाटक प्रदर्शन करावं लागतं. मी कोणत्या राजकीय पक्षाची आलोचना करत नाही परंतु आम्हाला सातारा जिल्ह्यात चांगलं वातावरण आहे असं अजयकुमार मिश्रा यांनी म्हंटल. भारतीय जनता पार्टी हि सातारा जिल्ह्यात मजबुत असुन येणा-या काळात जिल्ह्यातील लोकसभा आणि सर्व विधानसभा जागा आम्ही जिंकु असा विश्वास त्यांनी व्यक्त केला.
दरम्यान, या पत्रकार परिषदेनंतर अजयकुमार मिश्रा यांनी जलमंदिर पॅलेस येथे जाऊन भाजप खासदार छत्रपती उदयनराजे भोसले यांची भेट घेतली. यावेळी जलमंदिर पॅलेस येथील देवीचे दर्शन मिश्रा यांनी घेतले. या भेटीत खा.उदयनराजे आणि राजमाता कल्पनाराजे भोसले यांनी मिश्रा यांचे स्वागत करत त्यांना जागतिक वारसा स्थळ असलेल्या कास पठराबाबत माहितीचे पुस्तक भेट दिले.