मुंबई | गान कोकीळा, गान सम्राज्ञी लता मंगेशकर यांची मृत्यूशी लढाई गेल्या काही दिवसांपासून सुरू आहे. काल शनिवार पासून त्याच्या तब्बेत बिघडल्याने राज ठाकरे यांनी मुंबईतील ब्रीच कॅंडी हाॅस्पीटलमध्ये जावून भेट घेतली होती. अशातच आज शिवसेनेचे खासदार संजय राऊत यांनी युग संपले असे म्हणत लता मंगेशकर यांचा फोटो शेअर केला आहे. लता मंगेशकर यांचे वयाच्या 93 वर्षी निधन झाले. रविवारी सकाळी 8.12 मिनिटांनी निधन झाल्याची माहिती डाॅक्टरांनी दिली.
युग संपले… pic.twitter.com/prMUOK74oW
— Sanjay Raut (@rautsanjay61) February 6, 2022
गानसम्राज्ञी आणि भारतरत्न लता मंगेशकर यांचे आज निधन झालं आहे. लता मंगेशकर याना कोरोनाची लागण झाली असून गेल्या 28 दिवसांपासून त्यांना ब्रीच कँडी रुग्णालयात दाखल करण्यात आले होते.
काही दिवसांपूर्वीच लता मंगेशकर यांनी कोरोना वर मात केल्याची माहिती आरोग्यमंत्री राजेश टोपे यांनी दिली होती. तसेच त्यांना आयसीयू मधून बाहेर काढल्याचे देखील समजलं होत. त्यानंतर काल सकाळी त्यांची तब्बेत अचानक बिघडली होती. अखेर त्यांची प्राणजोत मालवली.
