नवी दिल्ली । भारत हा जगातील दुसरा देश आहे जेथे सोन्याचा सर्वाधिक वापर केला जातो. सोने हा केवळ एक मौल्यवान धातूच नाही तर भारतातील लोकांसाठी एक शुभ धातु देखील आहे. याशिवाय गुंतवणूकीसाठी सुद्धा सोने हा एक उत्तम पर्याय मानला जातो. भारतातील सोन्याचे महत्त्व फक्त यावरूनच दिसून येते की, विवाहसोहळ्याच्या बजेटचा एक मोठा भाग सोन्याचे दागिने आणि नाणी इत्यादींवर खर्च केला जातो.
1. सॉव्हरेन गोल्ड बाँड (Sovereign Gold Bond)
सोन्यामध्ये गुंतवणूकीचे बरेच पर्याय आहेत जसे कि दागिने, सोन्याचे नाणी, गोल्ड बुलियंस इत्यादी. परंतु या सर्वांमधील सर्वोत्तम पर्याय म्हणजे सॉव्हरेन गोल्ड बाँड मानला जातो. या सरकारी योजनेत गुंतवणूकिची जोखीम खूपच कमी आहे आणि चिंता न करता आपण चांगला रिटर्न देखील मिळवू शकता. रिझर्व्ह बँकेकडून सॉव्हरेन गोल्ड बाँड जारी केले जातात, त्यामुळे त्याच्या शुद्धतेबाबत कोणतीही अडचण येत नाही. सॉवरेन गोल्ड बाँडमध्ये गुंतवणूक करणे फायद्याचे आहे. सोन्याच्या किंमतीव्यतिरिक्त हे वार्षिक 2.5 टक्के निश्चित उत्पन्न देखील देते.
2. गोल्ड एक्सचेंज ट्रेडेड फंड्स (Gold ETF)
शेअर्ससारखे सोने खरेदी करण्याच्या सुविधेस Gold ETF म्हणतात. ही म्युच्युअल फंड योजना आहे. सोन्यातील गुंतवणूकीसाठी हा सर्वात स्वस्त पर्याय आहे. हे एक्सचेंज ट्रेडेड फंड आहेत जे स्टॉक एक्सचेंजवर विकत घेतले जाऊ शकतात. Gold ETF चा बेंचमार्क हा स्पॉट गोल्ड रेट असल्याने आपण सोन्याच्या वास्तविक किंमतीच्या जवळपास ते खरेदी करू शकता. Gold ETF खरेदी करण्यासाठी आपल्याकडे ट्रेडिंग डिमॅट खाते असणे आवश्यक आहे. यामध्ये युनिटमध्ये सोन्याची खरेदी केली जाते. विक्री केल्यावर तुम्हाला सोने मिळणार नाही परंतु त्यावेळेच्या बाजार मूल्याइतकीच रक्कम मिळेल.
3. गोल्ड म्यूचुअल फंड (Gold Mutual Funds)
Gold ETF च्या तुलनेत गोल्ड म्युच्युअल फंडात गुंतवणूक करणे सोपे आहे. आपण थेट ऑनलाइन मोडद्वारे किंवा त्याच्या डिस्ट्रीब्यूटर्स द्वारे गोल्ड म्युच्युअल फंडात गुंतवणूक करू शकता. दुसरीकडे, Gold ETF मध्ये गुंतवणूक करण्यासाठी तुमच्याकडे डीमॅट खाते असणे आवश्यक आहे. गोल्ड म्युच्युअल फंडामध्ये AMC रिटर्न साठी गोल्ड ईटीएफमध्ये आपला कॉर्पस गुंतवते. याव्यतिरिक्त, गोल्ड म्युच्युअल फंड गुंतवणूकदारांना SIP द्वारे गुंतवणूक करण्यास परवानगी देतात. गोल्ड म्युच्युअल फंड हे ओपन एंडेड इन्व्हेस्टमेंट प्रोडक्ट आहेत जे गोल्ड एक्सचेंज ट्रेडेड फंड्स (Gold ETF) मध्ये गुंतवणूक करतात आणि त्यांचे नेट अ‍ॅसेट व्हॅल्यू (NAV) ETF च्या कामगिरीशी जोडलेले असते.
4. पेमेंट अ‍ॅपवरूनही तुम्ही खरेदी करू शकाल सोने
आपण आपल्या स्मार्टफोनमधूनच डिजिटल गोल्ड मध्ये गुंतवणूक करू शकता. यासाठी जास्त पैसे खर्च करण्याची गरज नाही. आता आपल्या सोयीनुसार आपण इच्छित कोणत्याही किंमतीचे सोने खरेदी करू शकता. अ‍ॅमेझॉन पे, गूगल पे, पेटीएम, फोनपे आणि मोबिकविक सारख्या प्लॅटफॉर्मवर ही सुविधा उपलब्ध आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा