Gold Price Today : सोन्याच्या किंमतीत विक्रमी वाढ; ग्राहकांच्या खिशाला झळ

हॅलो महाराष्ट्र ऑनलाईन । ऐन सणासुदीच्या तोंडावर सोन्याच्या किमतीत (Gold Price Today) विक्रमी वाढ बघायला मिळत आहे. मल्टी कमोडिटी एक्सचेंज नुसार, आज २१ सप्टेंबर २०२४ रोजी २४ कॅरेट १० ग्राम सोन्याच्या किमतीत 593 रुपये वाढ झाली आहे. तर चांदीच्या भावात मात्र किरकोळ घसरण झाल्याचे पाहायला मिळत आहे. ऐन दसरा, दिवाळी सारखे सण समोर असताना मागील काही दिवसात ज्याप्रमाणे सोन्याच्या दरात वाढ होत आहे ते पाहता सर्वसामान्य ग्राहकांना मोठ्या आर्थिक संकटाचा सामना करावा लागू शकतो. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.

जागतिक पातळीवर अमेरिकन फेडरल बँकांनी आपल्या व्याजदरात कपात केल्याचा परिणाम म्हणून गुंतवणूकदारांनी आपली गुंतवणूक सोन्याच्यामध्ये करण्यास सुरुवात केली आहे. मागणी वाढूनही सोन्याचे भाव (Gold Price Today) वाढतच चालले आहेत. गुड रिटर्न वेबसाईट नुसार, २२ कॅरेट १० ग्राम सोन्याचा दर ६९६०० रुपये आहे तर २४ कॅरेट सोने ७५९३० रुपये प्रति तोळा आहे. तर एक किलो चांदीचा भाव ९३००० रुपये इतका आहे. 22 कॅरेट सोन्याचे आणि 18 कॅरेट सोन्याचे दर जाणून घेण्यासाठी तुम्ही 8955664433 वर मिस कॉल करू शकता. भारतात वेगवगेळ्या शहरानुसार सोन्या-चांदीचे भाव (Gold Price Today) सुद्धा वेगवेगळे आहेत.

गुड रिटर्न नुसार सोन्याचा भाव – Gold Price Today

22 कॅरेट सोन्याचा आजचा भाव (प्र. 10 ग्रॅम)-

पुणे- 69, 600 रुपये
मुंबई – 69, 600 रुपये
नागपूर – 69, 600 रुपये

24 कॅरेट सोन्याचा आजचा भाव (प्र. 10 ग्रॅम)

पुणे- 75, 930 रूपये
मुंबई – 75, 930 रूपये
नागपूर –75, 930 रूपये

सोन्याची शुद्धता कशी तपासाल?

साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.