जन धन खातेधारकांसाठी मोठी बातमी ! केंद्र सरकार लवकरच करू शकते ‘ही’ घोषणा, त्याचा कसा फायदा होईल ते जाणून घ्या

नवी दिल्ली । जन धन खातेधारकांना (PM Jan Dhan) सरकारकडून मोठी भेट मिळू शकते. केंद्र सरकार लवकरच जन धन खातेधारकांसाठी नवीन सुविधा सुरू करणार आहे. वास्तविक, प्रधानमंत्री जन धन योजनेचे (PMJDY) सर्व खातेधारकांना जीवन विमा आणि अपघात संरक्षणाचा लाभ मिळू शकतो. सरकार प्रधानमंत्री जीवन ज्योती विमा (PMJJBY) आणि प्रधानमंत्री सुरक्षा विमा (PMSBY) द्वारे विमा संरक्षण देण्याचा विचार करत आहे.

अर्थ मंत्रालयाने एका निवेदनात म्हटले आहे की,” प्रधानमंत्री जीवन ज्योती विमा योजना (PMJJBY) आणि प्रधानमंत्री सुरक्षा विमा योजना (PMSBY) अंतर्गत PMJDY खातेधारकांचे कव्हरेज सुनिश्चित करण्याची सरकारची योजना आहे.”

मंत्रालयाने काय सांगितले ते जाणून घ्या?
अर्थ मंत्रालयाने एका निवेदनात म्हटले आहे की,” प्रधानमंत्री जन-धन योजना (PMJDY), आर्थिक समावेशन योजनेच्या सात यशस्वी वर्षानंतर, सरकार 43 कोटींहून अधिक खातेधारकांना जीवन विमा आणि ऍक्सिडेंटल कव्हर पुरवण्यावर विचार करत आहे. जन धन योजना 15 ऑगस्ट 2014 रोजी पंतप्रधान नरेंद्र मोदींनी त्यांच्या स्वातंत्र्य दिनाच्या भाषणात जाहीर केले होते. याबाबत बँकांना आधीच कळवण्यात आले आहे, असे निवेदनात म्हटले आहे. डिपार्टमेंट ऑफ फायनान्शिअल सर्व्हिसेस (DFS) च्या वेबसाइटनुसार, PMJJBY दररोज 1 रुपयांपेक्षा कमी प्रीमियमसाठी 2 लाख रुपयांचा जीवन विमा देते. यासाठी 330 रुपये वार्षिक प्रीमियम भरावा लागेल.

ही योजना काय आहे ते जाणून घ्या
केंद्र सरकारने सामाजिक-सुरक्षा मोहिमेअंतर्गत दोन योजना लॉन्च केल्या. एक प्रधानमंत्री जीवन ज्योती योजना आणि दुसरी प्रधानमंत्री सुरक्षा विमा योजना. प्रधानमंत्री जीवन ज्योती योजनेअंतर्गत 2 लाख रुपयांपर्यंतचा जीवन विमा दिला जातो. यासाठी 330 रुपये वार्षिक प्रीमियम भरावा लागेल. याशिवाय, प्रधानमंत्री सुरक्षा विमा योजनेअंतर्गत अपघाती मृत्यू आणि कायमचे अपंगत्व आल्यास 2 लाख रुपयांपर्यंतचे कव्हर दिले जाते.

तुम्ही देखील जन धन खाते उघडू शकता
प्रधानमंत्री जन धन योजनेअंतर्गत सार्वजनिक क्षेत्रातील बँकांमध्ये देखील खाते उघडले जाते. पण, तुम्हाला हवे असल्यास तुम्ही तुमचे जनधन खाते एका खाजगी बँकेतही उघडू शकाल. तुमच्याकडे इतर कोणतेही बचत खाते असल्यास तुम्ही ते जन धन खात्यात बदलू शकतात. भारतात राहणारा कोणताही नागरिक, ज्याचे वय 10 वर्षे किंवा त्याहून अधिक आहे तो जन धन खाते उघडू शकतो. जन धन खाते उघडण्यासाठी KYC अंतर्गत डॉक्युमेंटसचे व्हेरिफिकेशन केले जाते. आधार कार्ड, पॅन कार्ड, ड्रायव्हिंग लायसन्स, मतदार ओळखपत्र, पासपोर्ट, मनरेगा जॉब कार्ड या डॉक्यूमेंट्सचा वापर करून जन धन खाते उघडता येते.