नवी दिल्ली । सध्या जगातील सर्वोत्कृष्ट अष्टपैलू खेळाडूंपैकी इंग्लंडचा खेळाडू बेन स्टोक्सचा आज 30 वा वाढदिवस आहे. 2011 मध्ये इंग्लंडकडून पदार्पण करणारा अष्टपैलू खेळाडू पहिल्या दोन वर्षांत फारशी कामगिरी करू शकला नाही. 2013 अ‍ॅशेस मालिकेतील पर्थ कसोटीत त्याला पहिल्यांदा आपले कौशल्य दाखवण्याची संधी मिळाली. पर्थमध्ये स्टोक्सने आपल्या कसोटी कारकिर्दीच्या चौथ्या डावात सहाव्या क्रमांकावर फलंदाजी केली. यानंतर स्टोक्सने मागे वळून कधी पहिलेच नाही. स्टोक्स मैदानाप्रमाणेच मैदानाबाहेरही आक्रमक म्हणून ओळखला जातो.
इंग्लंड संघात सामील झाल्यानंतर पहिल्या काही वर्षांत बेन स्टोक्स गैरवर्तनमुळे अधिक चर्चेत होता. गेल्या दहा वर्षांत स्टोक्सला दोनदा अटकही झाली आहे. 2012 साली स्टोक्सला अटक करण्यात आली होती आणि नंतर पोलिसांनी इशारा देऊन सोडले होते. 2013 साली रात्री उशिरा दारू पिण्याच्या आरोपाखाली त्याला इंग्लंड लायन्स दौर्‍यावरून घरी परत पाठविण्यात आले.
बेन स्टोक्सच्या या वागणुकीचा त्याच्या क्रिकेट कारकिर्दीवरही परिणाम झाला. पहिल्या चार वर्षांत बेन स्टोक्स केवळ एकच शतक ठोकू शकला. 2016 सालचा टी 20 विश्वचषक हा स्टोक्ससाठी दु: स्वप्नासारखा होता. यातील अनात्म सामन्यात कॅरिबियन संघ 156 धावांचा पाठलाग करीत होता. अखेरच्या षटकात वेस्ट इंडीजला विजयासाठी 19 धावांची गरज होती. त्यावेळी ब्रेथवेट आणि मार्लन सॅम्युएल्स क्रीजवर उपस्थित होते. अखेरच्या षटक टाकण्यासाठी बेन स्टोक्स आला आणि त्याच्या षटकातील पहिल्या चार चेंडूंवर ब्रॅथवेटने सलग चार षटकार ठोकत आपल्या संघाला जेतेपद मिळवून दिले.
मात्र 2016 पासून स्टोक्सने फलंदाज म्हणून वर्चस्व गाजविण्यास सुरुवात केली. त्याने दोन शतकांच्या मदतीने यावर्षी 12 कसोटी सामन्यांमध्ये 904 धावा केल्या. 13 एकदिवसीय सामन्यात एक शतक आणि चार अर्धशतकांच्या मदतीने 470 धावाही बनवल्या. पण पुढच्याच वर्षी 25 सप्टेंबर 2017 रोजी स्टोक्सला नाईटक्लबच्या बाहेर पकडल्याची बातमी आली. यावेळी व्हायरल झालेल्या व्हिडिओमध्ये बेन स्टोक्स चार-पाच जणांना खूप मारहाण करताना दिसला. इंग्लंड अँड वेल्स क्रिकेट बोर्डाने (ECB) ने त्याला निलंबितही केले. या घटनेच्या वेळी स्टोक्ससमवेत असलेल्या अ‍ॅलेक्स हेल्सलाही निलंबित करण्यात आले होते. निलंबित झाल्यामुळे तो 2017-18 सालची अ‍ॅशेस मालिकाही खेळू शकला नाही. या घटनेनंतर बेन स्टोक्सचे नाव जेव्हा जेव्हा चर्चेत आले तेव्हा ते फक्त चांगल्या कारणांमुळेच.
पुनरागमनानंतर स्टोक्सने इंग्लंडला 2019 मध्ये एकदिवसीय विश्वचषकाचे विजेतेपद मिळवून दिले. स्टोक्सने संपूर्ण स्पर्धेत चांगली फलंदाजी केली आणि स्पर्धेत 66.42 च्या सरासरीने 465 धावा केल्या. अंतिम सामन्यातही स्टोक्सने 84 धावांची खेळी करत संघाच्या आशा कायम राखल्या. त्याच्या खेळीमुळे इंग्लंड पहिल्यांदाच विश्वचषक जिंकण्यात यशस्वी झाला. याशिवाय स्टोक्सने या स्पर्धेत 7 गडीही बाद केले.
2017 मध्ये झालेल्या आयपीएलच्या लिलावामध्ये बेन स्टोक्सला पुणे सुपरजाजंट्सने 14.5 कोटी रुपयांमध्ये खरेदी केले. सध्या तो राजस्थान रॉयल्सशी संबंधित आहे. 2018 मध्ये स्टोक्सला रॉयल्सने आयपीएलच्या लिलावामध्ये 12.5 कोटी रुपयांमध्ये विकत घेतले होते.
2019 च्या अ‍ॅशेस मालिकेत बेन स्टोक्स इंग्लंडचा सर्वात विश्वासार्ह खेळाडू म्हणून उदयास आला. यामधील तिसऱ्या कसोटीत स्टोक्सने इंग्लंडला एका विकेटने विजयी करून इतिहास रचला, स्टोक्सच्या नाबाद शतकी खेळीच्या (135) जोरावर इंग्लंडने ऑस्ट्रेलियाने दिलेले 359 धावांचे लक्ष्य 9 विकेट गमावून पूर्ण केले. त्याने आपल्या खेळीत 11 चौकार आणि 8 षटकार लगावले आणि कांगारुंकडून विजय खेचून आणला. शेवटी त्याला क्रॅम्प आले होते परंतु त्याने हार मानली नाही. जेव्हा इंग्लंडची फक्त एकच विकेट बाकी होती तेव्हा या अष्टपैलूने तुफानी फलंदाजी करत चौकार आणि षटकार ठोकले. शेवटचा फलंदाज जॅक लीचने त्याला उत्तम साथ दिली आणि विकेटवर टिकून राहिला. शेवटच्या विकेटसाठी स्टोक्स आणि लीचने 76 धावांची भागीदारी केली ज्यामध्ये लीचने केवळ एका धावाचे योगदान दिले.
स्टोक्सने 10 शतकांच्या मदतीने 71 कसोटी सामन्यांमध्ये 4631 धावा केल्या आहेत. याशिवाय त्याने 163 बळीही घेतले आहेत. 98 एकदिवसीय सामन्यात स्टोक्सच्या नावावर 2817 धावा आणि 74 बळी जमा आहेत. 34 टी -20 सामन्यात स्टोक्सने 442 धावा केल्या आणि 19 विकेट्स घेतल्या आहेत.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा