हॅलो महाराष्ट्र ऑनलाईन । काँग्रेसचे नेते हार्दिक पटेल यांनी काँग्रेसच्या सदस्यत्वाचा राजीनामा दिल्याने त्यांच्या भाजप प्रवेशाची चर्चा चांगलीच रंगली होती. त्या चर्चेला आता पूर्णविराम मिळाला असून पटेल आपल्या कार्यकर्त्यांसह दुपारी भाजप प्रवेश करणार आहेत. पक्ष प्रवेशापूर्वी हार्दिक पटेल यांनी एक ट्वीट केले असून “राष्ट्रसेवेच्या भगीरथ कार्यात एक छोटा शिपाई बनून काम करणार असल्याचे पटेल यांनी म्हटले आहे.
हार्दिक पटेल आज दुपारी 12 वाजता भाजप पक्ष प्रवेश करणार असून त्यांनी त्यापूर्वी एक ट्विट करत पंतप्रधान नरेंद्र मोदी यांच्याबाबत काही मत व्यक्त केले आहे. त्यांनी ट्विटमध्ये म्हंटले आहे की, “राष्ट्रहित, राज्यहित, जनहित आणि सामाजिक हित या भावनेतून मी आजपासून एक नवा अध्याय सुरू करणार आहे. भारताचे यशस्वी पंतप्रधान नरेंद्र मोदींच्या नेतृत्वाखाली सुरू असलेल्या राष्ट्रसेवेच्या भगीरथ कार्यात मी लहान शिपाई बनून काम करणार आहे.
राष्ट्रहित, प्रदेशहित, जनहित एवं समाज हित की भावनाओं के साथ आज से नए अध्याय का प्रारंभ करने जा रहा हूँ। भारत के यशस्वी प्रधानमंत्री श्री नरेन्द्र भाई मोदी जी के नेतृत्व में चल रहे राष्ट्र सेवा के भगीरथ कार्य में छोटा सा सिपाही बनकर काम करूँगा।
— Hardik Patel (@HardikPatel_) June 2, 2022
पटेल यांनी ट्विट केल्याने त्यांनी आपण भाजप प्रवेशापूर्वी साधु-संतांसह गोपूजेत सहभागी होणार असल्याची माहिती दिली आहे. त्यानंतर 11 वाजता कमलम् गांधीनगरमध्ये भाजपचे प्रदेशाध्यक्षांच्या उपस्थितीत भाजपमध्ये प्रवेश करणार आहेत.