हॅलो महाराष्ट्र ऑनलाईन । बजरंगी भाईजान या चित्रपटातून सलमानसोबत काम केल्याने चर्चेत आलेल्या मुन्नीने पंतप्रधान मोदींची मिमिक्री केल्याचा एक व्हिडीओ सोशल मीडियावर शेयर केला आहे. यात मोदी ३ मी ला काय म्हणतील यावर तिने भाष्य केलाय.
हर्षाली मल्होत्रा सध्या सोशल मीडियावर चांगलीच सक्रिय आहे. ती सतत सोशल मीडियावर तिचे फोटो आणि व्हिडीओ शेअर करत असते. नुकताच तिचा आणखी एक व्हिडीओ समोर आला आहे. या व्हिडीओमध्ये ती ‘मोदीजी 3 को कहेंगे कि 0 लगाना भूल गया’ असे बोलताना दिसत आहे. या व्हिडीओमध्ये ती ‘३ मे रोजी मोदीजी पुन्हा येतील. बोलतील मित्रांनो मी ० लावायला विसरलो. लॉकडाउन ३० मे पर्यंत आहे’ असे बोलताना दिसत आहे. तिचा हा व्हिडीओ सध्या सोशल मीडियावर तुफान व्हायरल झाला आहे.
https://www.instagram.com/p/B_e_OfAFv1r/?utm_source=ig_web_copy_link
‘बजरंगी भाईजान’ या चित्रपटात हर्षालीने पाकिस्तानी मुलगी मुन्नीची भूमिका साकारली होती. ‘बजरंगी भाईजान’ या चित्रपटात झळकण्यापूर्वी हर्षालीने अनेक मालिकांमध्ये काम केलं आहे. ती ‘कुबूल है’, ‘लौट आओ तृषा’ आणि ‘सावधान इंडिया’ या मालिकेत दिसली होती. हर्षाली सोशल मीडियावर मोठ्या प्रमाणावर अॅक्टिव्ह असते. इन्स्टाग्रामवर तिच्या फॉलोअर्सची संख्या एखाद्या बड्या स्टारप्रमाणेच आहेत.