नवी दिल्ली । सरकारने दिलेले रेशनकार्ड हे अत्यावश्यक डॉक्युमेंट बनले आहे. या कार्डद्वारे रेशनकार्ड धारकांना रेशन मिळते. आधार कार्ड, पॅनकार्ड आणि इतर महत्त्वाच्या डॉक्युमेंट प्रमाणेच रेशनकार्ड हेदेखील सर्वात महत्त्वाचे डॉक्युमेंट आहे. आता पीएम किसानमध्ये पैसे मिळवण्यासाठीही रेशन कार्ड आवश्यक झाले आहे. अनेक ठिकाणी आयडी प्रूफ म्हणूनही त्याचा वापर केला जातो.
कधी कधी घाईमुळे किंवा काही कारणामुळे आपण काही गोष्टी गमावतो, ज्या खूप महत्त्वाच्या असतात. कुणाचे रेशनकार्ड हरवले किंवा चोरीला गेले, तर त्याला काळजी वाटणे स्वाभाविक आहे. मात्र जर ते हरवले तर? खरं तर ते त्रास न देता बनवता येते.
रेशनकार्ड हरवल्यास तुम्हाला काळजी न करता काही सोप्या स्टेप फॉलो कराव्या लागतील, त्यानंतर तुमचे डुप्लिकेट कार्ड सहज बनवता येईल. डुप्लिकेट रेशनकार्ड बनवण्याचा ऑनलाइन आणि ऑफलाइन मार्ग जाणून घ्या.
अशाप्रकारे ऑनलाइन बनवता येईल डुप्लिकेट रेशन कार्ड –
स्टेप 01: तुमचे रेशनकार्ड कुठेतरी हरवले असेल, तर अशावेळी तुम्हाला डुप्लिकेट कार्ड बनवण्यासाठी तुमच्या राज्याच्या अन्न विभागाच्या अधिकृत वेबसाइटवर जावे लागेल.
स्टेप 02: वेबसाईटवर गेल्यावर सर्व प्रथम तुमच्या समोर होम पेज उघडेल. त्यानंतर तुम्हाला डुप्लिकेट रेशन कार्डसाठी अर्ज करा या लिंकवर क्लिक करावे लागेल.
स्टेप 03: लिंकवर क्लिक केल्यावर, तुमच्यासमोर एक ऑनलाइन फॉर्म उघडेल, ज्यावर तुम्हाला फॉर्ममध्ये विचारलेली सर्व महत्त्वाची माहिती भरावी लागेल.
स्टेप 04: यानंतर, विनंती केलेले सर्व डॉक्युमेंट्स अपलोड करा आणि सबमिट करा. या स्टेप फॉलो करून, तुम्ही डुप्लिकेट रेशन कार्डसाठी अर्ज करू शकाल.
अशाप्रकारे ऑफलाइन बनवता येईल डुप्लिकेट रेशन कार्ड –
स्टेप 01: रेशन कार्ड हरवल्यास, तुम्हाला जिल्हा अन्न व पुरवठा नियंत्रक कार्यालयात जावे लागेल.
स्टेप 02: या दरम्यान तुमच्यासाठी कुटुंबातील सदस्यांचे दोन पासपोर्ट आकाराचे फोटो असणे अनिवार्य आहे. यानंतर, तुम्हाला डुप्लिकेट रेशन कार्डचा फॉर्म घ्यावा लागेल.
स्टेप 03: फॉर्म भरल्यानंतर, तुम्हाला तुमच्या कुटुंबातील प्रत्येक सदस्याचे फोटो याशिवाय डेपो होल्डर रिपोर्ट, पेनल्टी फीसच्या दोन पावत्या सादर कराव्या लागतील.
स्टेप 04: व्हेरिफिकेशन झाल्यानंतर, तुम्हाला माहिती दिली जाईल, त्यानंतर डुप्लिकेट रेशन कार्ड मिळेल.
कोणते डॉक्युमेंट्स लागतील?
डुप्लिकेट रेशनकार्ड बनवण्यासाठी रेशनकार्ड नंबर, सर्व सदस्यांचे आधार कार्ड, कुटुंबप्रमुखाचा पासपोर्ट आकाराचा फोटो आणि काही महत्त्वाच डॉक्युमेंट्स असणे अनिवार्य आहे.