CIBIL स्कोअर वाढवण्यासाठीचे ‘असे’ 5 नियम ज्यामुळे कर्ज मिळण्यात कधीही येणार नाही अडचण

नवी दिल्ली । जेव्हापासून बँकांनी कर्ज वितरणासाठी CIBIL स्कोअर पाहण्यास सुरुवात केली आहे. तेव्हापासून ग्राहकांना कर्ज मिळण्यात अनेक अडचणी येत आहेत. अशा स्थितीत ग्राहकांचा सिबिल स्कोअर बँकांसाठी इतका महत्त्वाचा का झाला आहे, असा प्रश्न उपस्थित होतो.

CIBIL स्कोअर हा नंबर किंवा रेटिंग आहे जे सांगते की, तुम्ही तुमचे कर्ज फेडण्यात किंवा इतर आर्थिक जबाबदाऱ्या पूर्ण करण्यात किती गंभीर आहात. तुम्ही क्रेडिट कार्डचे बिल किंवा इतर कर्ज वेळेवर भरले नाही, तर तुमच्या CIBIL स्कोअरवर थेट परिणाम होतो. खराब CIBIL स्कोअर पाहून, बँका कर्ज देण्यास किंवा व्याजदर वाढवण्यास नकार देतात. चांगला CIBIL स्कोअर करण्यासाठी 5 खात्रीपूर्वक मार्ग जाणून घ्या.

क्रेडिट युटिलायझेशन रेशो कमी ठेवा
कंपन्या तुमच्या क्रेडिट युटिलायझेशन रेशोवर जास्तीत जास्त लक्ष देतात. म्हणजे तुम्हाला मिळालेल्या क्रेडिट लिमिटपैकी किती रक्कम वापरली जाते. 30 टक्क्यांपर्यंत रेशो राखणाऱ्याला कंपन्या चांगले मानतात. जर तुम्ही 50 % किंवा त्याहून जास्त वापरत असाल, तर तुम्ही तुमचे खर्च भागवण्यासाठी कर्जावर अवलंबून आहात हे दाखवते.

वेळेवर आणि पूर्ण पैसे देण्याची सवय लावा
तुमचा फोन, पाणी, वीज, क्रेडिट कार्ड बिल किंवा इतर कोणत्याही प्रकारचे पेमेंट वेळेवर भरण्याची सवय लावा. तसेच, पूर्ण पेमेंट करण्याचा प्रयत्न करा, कारण किमान रक्कम भरल्यास, तुमची ताबडतोब सुटका होईल, मात्र भविष्यात ते तुमचे कर्ज केवळ महागच करणार नाही तर CIBIL स्कोअर देखील खराब करू शकते.

जॉईंट अकाउंटवरही लक्ष ठेवा
जर तुमचे जॉईंट अकाउंट असेल तर त्यावरही लक्ष ठेवा. तुमच्या जॉईंट अकाउंटहोल्डरने वेळेवर कोणतीही थकबाकी भरली नाही आणि तुम्ही डिफॉल्ट व्हाल. यामुळे तुमचा CIBIL स्कोअर देखील खराब होऊ शकतो.

वर्षातून तीनदा क्रेडिट हिस्ट्री रिव्ह्यू करा
तुम्ही तुमच्या CIBIL रिपोर्टवर सतत लक्ष ठेवावे आणि दर 4 महिन्यांनी त्याचे पुनरावलोकन करावे. क्रेडिट हिस्ट्री पाहून तुम्हाला कळेल की सर्व पेमेंट रेकॉर्ड योग्य रीतीने राखले जात आहेत. जर तुम्ही कोणतेही खाते किंवा कार्ड बंद केले असेल तर ते देखील तपासा.

एकाच वेळी अनेक ठिकाणी कर्जासाठी अर्ज करू नका
जर तुम्हाला नवीन क्रेडिट कार्ड घ्यायचे असेल किंवा कर्ज घेण्याचा विचार करत असाल तर एकाच वेळी अनेक ठिकाणी अर्ज करू नका. याचा तुमच्या CIBIL स्कोअरवर वाईट परिणाम होतो. तसेच, तुम्ही तुमचा CIBIL स्कोअरपुन्हा पुन्हा तपासू नये. यामुळे कंपन्यांना असे वाटते की, तुम्हाला तुमच्या आर्थिक स्थिरतेबद्दल शंका आहे.